Story Dated: Monday, March 9, 2015 09:28
ന്യൂഡല്‍ഹി: വിമാനത്താവളത്തില്‍ ഇറങ്ങവെ സ്‌പൈസ്‌ ജെറ്റ്‌ വിമാനം റണ്‍വേയില്‍ നിന്നും തെന്നി നീങ്ങി. കര്‍ണാടകയിലെ ഹൂബ്ലി വിമാനത്താവളത്തിലിറങ്ങവെയാണ്‌ വിമാനം തെന്നി നീങ്ങിയത്‌. 74 യാത്രക്കാരും നാലു ജീവനക്കാരുമായി ബംഗ്‌ളൂരുവില്‍ നിന്നും ഹൂബ്ലിയിലേക്കുള്ള സ്‌പൈസ്‌ജറ്റ്‌ എസ്‌.ജി 1085 വിമാനമാണ്‌ അപകടത്തില്‍ പെട്ടത്‌. ആര്‍ക്കും അപകടം സംഭവിച്ചിട്ടില്ലെന്നാണ്‌ റിപ്പോര്‍ട്ട്‌. വിമാനം ഇറങ്ങുന്ന സമയത്തുണ്ടായിരുന്ന കനത്ത മഴയെ തുടര്‍ന്ന്‌ റണ്‍വേയില്‍ നിന്നും വിമാനം തെന്നി നീങ്ങുകയായിരുന്നു. അതേ സമയം അപകട വിവരം ഡയറക്‌ടറേറ്റ്‌ ജനറല്‍ ഓഫ്‌ സിവില്‍ ഏവിയേഷന്‍ അധികൃതരെ അറിയിച്ചു. സംഭവത്തില്‍ കൂടുതല്‍ അന്വേഷണം ഉണ്ടാകുമെന്നാണ്‌ സൂചന.
from kerala news edited
via IFTTT
