Story Dated: Monday, March 9, 2015 09:52
ടോക്കിയോ: പടിഞ്ഞാറന്‍ ജപ്പാനിലെ സുമോട്ടോയില്‍ അഞ്ചു പേരെ കുത്തേറ്റു മരിച്ചനിലയില്‍ കണ്ടെത്തി. സംഭവവുമായി ബന്ധമുണ്ടെന്നു കരുതുന്ന അത്സുഹികോ ഹിരാനോ(40) എന്നയാളെ പോലീസ് അറസ്റ്റു ചെയ്തതായി പ്രദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നു. രക്തം പുരട്ട വസ്ത്രവുമായി കണ്ടെത്തിയ ഇയാളെ സംശയത്തെ തുടര്‍ന്ന് പോലീസ് പിടികൂടുകയായിരുന്നു. ഇയാള്‍ തൊഴില്‍ രഹിതനാണ്. കൊലപാതകത്തിന്റെ കാരണം വ്യക്തമല്ല.
അയല്‍വാസികളായ വൃദ്ധരാണ് കൊല്ലപ്പെട്ടത്. ഒരു വീടിനുള്ളില്‍ രണ്ടു സ്ത്രീകളെയും ഒരു പുരുഷനെയും സമീപത്തുള്ള വീട്ടില്‍ 80 വയസ്സിനു മേല്‍ പ്രായമുള്ള ദമ്പതികളെയുമാണ് മരിച്ചനിലയില്‍ കണ്ടെത്തിയത്. ഇവരുടെ അയല്‍വാസിയാണ് പിടിയിലായ ഹിരാനോ.
from kerala news edited
via IFTTT
