Story Dated: Thursday, January 8, 2015 02:10
ചവറ: ബുദ്ധിമാന്ദ്യത്തിന്റെ പേരില്‍ ചിത്രരചനയില്‍ കഴിവ്‌ തെളിയിച്ച എട്ടാം ക്ലാസ്‌ വിദ്യാര്‍ഥിക്ക്‌ സ്‌കൂള്‍ അധികൃതര്‍ ഭൃഷ്‌ട് കല്‌പിച്ചതായി പരാതി. താന്‍ വരച്ച ചിത്രങ്ങളുടെ ശേഖരവുമായി വടക്കുംതല എസ്‌.എന്‍.പി.എം.എച്ച്‌.എസിലെ വിദ്യാര്‍ഥി നവീന്‍കുട്ടന്‍ ജില്ലാ കലോത്സവം നടക്കുന്ന വേദിക്കു സമീപത്തെ ബി.ആര്‍.സിയില്‍ എത്തി.
കുട്ടിക്കാലം മുതലെ നവീന്‍കുട്ടന്‍ ചിത്രങ്ങള്‍ വരയ്‌ക്കുമായിരുന്നു. കുട്ടിയുടെ കഴിവ്‌ സ്‌കൂള്‍ അധികൃതര്‍ തിരിച്ചറിഞ്ഞെങ്കിലും അവഗണിയ്‌ക്കുകയായിരുന്നു. ചവറ സബ്‌ ജില്ലാ കലോത്സവത്തിനു നവീന്റെ പേരുകൂടി ഉള്‍പ്പെടുത്തണമെന്ന്‌ രക്ഷിതാക്കള്‍ ആവശ്യപ്പെട്ടങ്കിലും ഐ.ഇ.ഡി.സി കലോത്സവത്തില്‍ മത്സരിച്ചാല്‍ മതിയെന്ന നിലപാടായിരുന്നു സ്‌കൂള്‍ അധികൃതര്‍ക്ക്‌. ചവറയുടെ മണ്ണില്‍ ജില്ലാ റവന്യൂ കലോത്സവം വിരുന്നെത്തിയപ്പോള്‍ അതില്‍ ഭാഗമാകാന്‍ പറ്റാത്തതിന്റെ ദുഃഖത്തിലാണ്‌ നവീന്‍കുട്ടന്‍.
from kerala news edited
via IFTTT
