Story Dated: Wednesday, February 4, 2015 11:14
കൊച്ചി : ദേശീയ ഗെയിംസുമായി ബന്ധപ്പെട്ട്‌ ഉയര്‍ന്ന 'ലാലിസം' വിവാദത്തില്‍ മോഹന്‍ലാലിനെ പിന്തുണച്ച്‌ നടന്‍ മമ്മൂട്ടി രംഗത്തെത്തി. ലാലിനെ വേട്ടയാടുന്നത്‌ അവസാനിപ്പിക്കണമെന്ന്‌ ആവശ്യപ്പെട്ടുകൊണ്ട്‌ മമ്മൂട്ടി മാധ്യമങ്ങളെ കാണുമെന്നാണ്‌ സൂചന.
ലാലിസത്തിന്‌ ലഭിച്ച പണം തിരികെ നല്‍കുമെന്നും ഇക്കാര്യത്തില്‍ സര്‍ക്കാരുമായി യാതൊരു ഒത്തുതീര്‍പ്പിനും ഇല്ലെന്നും മോഹന്‍ലാല്‍ ഇന്ന്‌ വ്യക്‌തമാക്കിയിട്ടുണ്ട്‌. ലാലിസത്തിന്‌ നല്‍കിയ പണം സംബന്ധിച്ച്‌ മന്ത്രിസഭ എന്തു തീരുമാനിച്ചാലും ലഭിച്ച പണം തിരികെ നല്‍കാനുള്ള തീരുമാനത്തില്‍ നിന്നും പിന്നോട്ടില്ല. ലാലിസം മാത്രമായിരുന്നു പരാജയമെന്ന പ്രതികരണം മോഹന്‍ലാലിനെ ഏറെ വേദനിപ്പിച്ചതായും അദ്ദേഹത്തോട്‌ അടുത്ത വൃത്തങ്ങള്‍ സൂചിപ്പിച്ചു.
ഇതിനിടെ, സംവിധായകന്‍ ടി.കെ രാജീവ്‌ കുമാറും മോഹന്‍ലാലിന്‌ പിന്തുണതേടി ഫെഫ്‌കയെ സമീപിച്ചിട്ടുണ്ട്‌.
from kerala news edited
via IFTTT
