Story Dated: Wednesday, February 4, 2015 07:41
ചാരുംമൂട്‌: ലോറിയും ബൈക്കും കൂട്ടിയിടിച്ച്‌ സൈനികന്‍ മരിച്ചു. നൂറനാട്‌ പുലിമേല്‍ പുത്തേത്തു കിഴക്കതില്‍ ഭാര്‍ഗവന്‍നായരുടെ മകന്‍ സുധീഷ്‌ ബാബു (34) ആണ്‌ മരിച്ചത്‌. കഴിഞ്ഞ ദിവസം ഉച്ചയ്‌ക്ക് രണ്ടരയോടെ കെ.പി. റോഡില്‍ ആദിക്കാട്ടുകുളങ്ങര ജംഗ്‌ഷനു സമീപത്തെ വളവിലായിരുന്നു അപകടം. അടൂരില്‍നിന്നു പുലിമേലിലേക്കു വരികയായിരുന്ന സുധീഷ്‌ബാബു സഞ്ചരിച്ചിരുന്ന ബൈക്ക്‌ കായംകുളത്തുനിന്ന്‌ അടൂരിലേക്കു പോയ ലോറിയുമായി ഇടിക്കുകയായിരുന്നു. പരുക്കേറ്റ ഇദ്ദേഹത്തെ അടൂര്‍ ആശുപത്രിയിലെത്തിച്ചെങ്കിലും മരിച്ചു. ജമ്മു കശ്‌മീരിലെ ലേയില്‍ കരസേന ഉദ്യോഗസ്‌ഥനായ ഇദ്ദേഹം കഴിഞ്ഞ 21നാണ്‌ അവധിക്കു നാട്ടിലെത്തിയത്‌. മാര്‍ച്ച്‌ അവസാനം ജോലി സ്‌ഥലത്തേക്കു തിരികെ പോകാനിരിക്കുകയായിരുന്നു. ഒരാഴ്‌ച മുമ്പു വാങ്ങിയ പുതിയ ബൈക്കിലായിരുന്നു യാത്ര. സംസ്‌കാരം പിന്നീട്‌്. ഭാര്യ രമ്യ. മകള്‍: കൃഷ്‌ണപ്രിയ.
from kerala news edited
via IFTTT
