Story Dated: Wednesday, February 4, 2015 07:45
മുതലമട: തൊഴിലുറപ്പു ജോലിക്കിടെ തെങ്ങുദേഹത്തുവീണ്‌ വീട്ടമ്മ മരിച്ചു. നാഗര്‍പാടം സേതുരാമലിംഗത്തിന്റെ ഭാര്യ ശെല്‍വി (50) ആണ്‌ മരിച്ചത്‌. ഇന്നലെ ഉച്ചയ്‌ക്ക് 12 ഓടെയാണ്‌ അപകടം. തെങ്ങുപൊട്ടുന്ന ശബ്‌ദംകേട്ട്‌ സമീപത്തു ജോലിചെയ്‌തിരുന്നവര്‍ ഓടിരക്ഷപ്പെട്ടെങ്കിലും ശെല്‍വിയ്‌ക്ക് ഒഴിഞ്ഞുമാറാനായില്ല. താലൂക്ക്‌ ആശുപത്രി മോര്‍ച്ചറിയിലുള്ള മൃതദേഹം കൊല്ലങ്കോട്‌ പോലീസ്‌ ഇന്‍ക്വസ്‌റ്റ് നടത്തി. ഇന്നു രാവിലെ പോസ്‌റ്റുമോര്‍ട്ടം നടത്തും. മല്ലന്‍കുളമ്പില്‍ ബ്രാഞ്ച്‌ കനാല്‍ ശുചീകരണം നടത്തുന്നതിനിടെയാണ്‌ തെങ്ങ്‌ പൊട്ടിവീണത്‌. മക്കള്‍: സോമസുന്ദരം, രാമലിംഗം.
from kerala news edited
via IFTTT
