Story Dated: Wednesday, February 4, 2015 07:45
വടക്കഞ്ചേരി: മംഗലം-ഗോവിന്ദാപുരം സംസ്‌ഥാനപാതയില്‍ മുടപ്പല്ലൂര്‍ പന്തപറമ്പില്‍ ബൈക്കും ഗുഡ്‌സ് മിനി വാനും കൂട്ടിയിടിച്ച്‌ ബൈക്ക്‌ യാത്രികനായ യുവാവ്‌ തല്‍ക്ഷണം മരിച്ചു. ഭാര്യയ്‌ക്കും ഒരു വയസായ മകനും പരുക്കേറ്റു. നെന്മാറ എലവഞ്ചേരി കയ്‌പഞ്ചേരി കുണ്ടുകാട്‌ പരേതനായ ചാമിയുടെ മകന്‍ രമേഷ്‌(32) ആണ്‌ മരിച്ചത്‌. രമേഷിന്റെ ഭാര്യ മുടപ്പല്ലൂര്‍ പനംകുളമ്പ്‌ കൃഷ്‌ണന്റെ മകള്‍ മിനി(25), മകന്‍ അഭിജിത്‌ എന്നിവര്‍ നിസാര പരുക്കുകളോടെ രക്ഷപ്പെട്ടു. ഇന്നലെ വൈകീട്ട്‌ അഞ്ച്‌ മണിയോടെയാണ്‌ അപകടം. ടവറുകളിലെ ഇലക്‌ട്രീഷ്യനാണ്‌ രമേശ്‌. രണ്ട്‌ വര്‍ഷം മുമ്പായിരുന്നു ഇവരുടെ വിവാഹം. അമ്മ: കുഞ്ചി. ഒരു സഹോദരിയുണ്ട്‌.
from kerala news edited
via IFTTT
