Story Dated: Wednesday, February 4, 2015 12:04
കൊച്ചി : 'ലാലിസം' വിവാദവുമായി ബന്ധപ്പെട്ട്‌ മോഹന്‍ലാലിന്‌ പിന്തുണയുമായി നടന്‍ മമ്മൂട്ടി രംഗത്തെത്തി. ലാലിസത്തിന്റെ പേരില്‍ മോഹന്‍ലാലിനെ വേട്ടയാടുന്നത്‌ അവസാനിപ്പിക്കണമെന്നും വിവാദങ്ങളിലേയ്‌ക്ക് ലാലിനെ വലിച്ചിഴയ്‌ക്കരുതും മമ്മൂട്ടി പറഞ്ഞു. മോഹന്‍ലാല്‍ നമ്മുടെ അഭിമാനമാണ്‌. ഒരു സുഹൃത്ത്‌, സഹപ്രവര്‍ത്തകന്‍, കലാകാരന് എന്നീ നിലകളില്‍ അദ്ദേഹത്തെ പിന്തുണയ്‌ക്കുന്നതായും തൃപ്പൂണിത്തുറയില്‍ നടത്തിയ വാര്‍ത്താ സമ്മേളനത്തില്‍ മമ്മൂട്ടി വ്യക്‌തമാക്കി.
മനസമാധാനമാണ്‌ ഒരു കലാകാരന് ഏറ്റവും വലുത്‌. അതുകൊണ്ടുതന്നെ സംഘര്‍ഷങ്ങളില്‍ പെടുത്താതെ ശാന്തമായ മനസ്സോടെ അദ്ദേഹത്തെ ജോലിചെയ്യാന്‍ അനുവദിക്കണം. മോഹന്‍ലാലിനെ നടനെയാണ്‌ നാം അംഗീകരിക്കുന്നത്‌. അതിലെ നന്മ തിന്മകള്‍ പ്രേക്ഷകരാണ്‌ തീരുമാനിക്കുന്നത്‌. പ്രതീക്ഷാ പൂര്‍വ്വം കണ്ടുകൊണ്ടിരിക്കുന്ന ദേശീയ ഗെയിംസിന്റെ ശോഭ വിവാദങ്ങള്‍ മൂലം കെട്ടുപോകരുതെന്നും മമ്മൂട്ടി പറഞ്ഞു.
അതേസമയം, നിലവിലെ വിവാദങ്ങള്‍ സംബന്ധിച്ച്‌ ചോദ്യങ്ങള്‍ ചോദിക്കരുതെന്ന്‌ വാര്‍ത്താ സമ്മേളനത്തിന്‌ മുന്‍പ്‌ തന്നെ മമ്മൂട്ടി അഭ്യര്‍ത്ഥിച്ചിരുന്നു. അതുകൊണ്ടുതന്നെ മാധ്യമപ്രവര്‍ത്തകരുടെ കൂടുതല്‍ ചോദ്യങ്ങള്‍ക്ക്‌ മറുപടി നല്‍കാന്‍ മമ്മൂട്ടി തയ്യാറായില്ല.
from kerala news edited
via IFTTT
