Story Dated: Wednesday, February 4, 2015 07:45
പത്തനംതിട്ട: ചെറുകോല്‍പ്പുഴ ഹിന്ദുമത കണ്‍വന്‍ഷന്‌ വ്യാപാരത്തിനെത്തിയ യുവാവ്‌ പമ്പാ നദിയില്‍ മുങ്ങിമരിച്ചു. ആലപ്പുഴ വെള്ളകിണര്‍ ആഞ്ഞിലിപ്പറമ്പില്‍ സുബൈറിന്റെ മകന്‍ സുനീര്‍ (24) ആണ്‌ ഇന്നലെ രാത്രി 12.30ന്‌ കുളിക്കാനിറങ്ങുന്നതിനിടയില്‍ മുങ്ങിമരിച്ചത്‌. തുടര്‍ന്ന്‌ രാത്രി തന്നെ റാന്നിയില്‍ നിന്ന്‌ അഗ്നിശമന സേനാംഗങ്ങള്‍ എത്തി തിരച്ചില്‍ നടത്തിയെങ്കില്‍ സുനീറിനെ കണ്ടെത്താനായില്ല. ഇന്നലെ രാവിലെ മണല്‍വാരല്‍ തൊഴിലാളികളാണ്‌ മൃതദേഹം കണ്ടെത്തിയത്‌. ആറന്മുള പോലീസ്‌ മേല്‍നടപടി സ്വീകരിച്ചു. മൃതദേഹം കോഴഞ്ചേരി ജില്ലാ ആശുപത്രിയില്‍ പോസ്‌റ്റ്മോര്‍ട്ടം നടത്തി ബന്ധുക്കള്‍ക്ക്‌ വിട്ടുനല്‍കി. മാതാവ്‌: സീനത്ത്‌. സഹോദരങ്ങള്‍: സജാസ്‌, സുബിന. ഉച്ചയ്‌ക്ക് രണ്ടു മണിയോടെ വീട്ടിലെത്തിച്ച മൃതദേഹം പൊതുദര്‍ശനത്തിന്‌ വച്ചു. തുടര്‍ന്ന്‌ വൈകീട്ട്‌ നാലോടെ ആലപ്പുഴ കിഴക്കെ ജുമാമസ്‌ജിദ്‌ ഖബര്‍സ്‌ഥാനില്‍ കബറടക്കി.
from kerala news edited
via IFTTT
