Story Dated: Wednesday, February 11, 2015 08:27
വാഷിംഗ്ടണ്‍: അമേരിക്കയിലെ നോര്‍ത്ത് കരോളിനയില്‍ മൂന്ന് മുസ്ലീം വിദ്യാര്‍ത്ഥികള്‍ അക്രമിയുടെ വെടിയേറ്റു മരിച്ചു. ഡെഹ് ഷാദ്ദി (23), ഭാര്യ യൂസൊര്‍ മുഹമ്മദ് (21), റാസല്‍ മുഹമ്മദ് (19) എന്നിവരാണ് മരിച്ചത്. അക്രമിയെ ചാപ്പല്‍ ഹില്‍ പോലീസ് അറസ്റ്റ് ചെയ്തു. ക്രൈഗ് സ്റ്റീഫന്‍ ഹിക്ക്‌സ് എന്നയാളാണ് അറസ്റ്റിലായത്. ഇയാളെ ദുര്‍ഹാം കണ്‍ട്രി ജയിലിലേക്ക് മാറ്റി. പ്രാദേശിക സമയം ചൊവ്വാഴ്ച വൈകിട്ട് അഞ്ചരയോടെയാണ് അക്രമി വിദ്യാര്‍ത്ഥികള്‍ക്ക് നേരെ വെടിയുതിര്‍ത്തത്.
ആക്രമണത്തിന്റെ കാരണം വ്യക്തമല്ല. വിദ്യര്‍ത്ഥികളുടെ കൊലപാതകത്തിനെതിരെ സോഷ്യല്‍ മീഡിയയില്‍ പ്രതിഷേധം വ്യാപകമായിട്ടുണ്ട്. യൂറോപ്പിലെയും അമേരിക്കയിലെയും ഇസ്ലാമോഫോബിയയുടെ ഭാഗമായാണ് കൊലപാതകമെന്നാണ് പ്രതിഷേധക്കാരുടെ വാദം. കൊലപാതകത്തിനെതിരെ #ChapelHillShooting എന്ന ഷാഷ്ടാഗ് സോഷ്യല്‍ മീഡിയയില്‍ വൈറലായിട്ടുണ്ട്.
from kerala news edited
via IFTTT
