Story Dated: Sunday, March 15, 2015 08:54
റാഞ്ചി: മുന്‍ മന്ത്രിയും കോണ്‍ഗ്രസ്‌ നേതാവുമായ മന്നം മല്ലിക്കിനെതിരെ ലൈംഗിക ആരോപണമുയര്‍ത്തി 13കാരി രംഗത്ത്‌. ക്രൂരമായി മര്‍ദിച്ചുവെന്നും മോശമായി പെരുമാറിയെന്നും ആരോപിച്ചാണ്‌ പെണ്‍കുട്ടി പോലീസിനെ സമീപിച്ചത്‌. പരാതിയില്‍ കേസെടുത്ത പോലീസ്‌ എഫ്‌.ഐ.ആര്‍. രജിസ്‌റ്റര്‍ ചെയ്‌ത് അന്വേഷണം ആരംഭിച്ചു.
ധന്‍ബാദ്‌ സദേശിയായ പെണ്‍കുട്ടി മല്ലിക്കിന്റെ വീട്ടില്‍ ഇയാളുടെ രോഗിയായ ഭാര്യയെ ശുശ്രൂഷിച്ച്‌ വരുകയായിരുന്നു. ഇതിനിടയില്‍ മല്ലിക്ക്‌ പെണ്‍കുട്ടിയെ ക്രൂരമായി മര്‍ദിച്ചിരുന്നുവെന്നും മോശമായി പെരുമാറിയെന്നുമാണ്‌ പരാതി.
15 ദിവസങ്ങള്‍ക്ക്‌ മുമ്പാണ്‌ പെണ്‍കുട്ടി മല്ലിക്കിന്റെ വീടുപേക്ഷിച്ചത്‌. തുടര്‍ന്ന്‌ ശിശു ക്ഷേമ വകുപ്പിന്റെ സഹായത്തോടെ പോലീസില്‍ പരാതി നല്‍കുകയായിരുന്നു. ആരോപണ വിധേയനെതിരെ നടപടി ആവശ്യപ്പെട്ട്‌ ബി.ജെ.പിയും രംഗത്തെത്തിയിട്ടുണ്ട്‌.
from kerala news edited
via IFTTT
