Story Dated: Thursday, December 25, 2014 03:05
തൃശൂര്‍: നാഷണല്‍ ഗെയിംസിന്റെ ഭാഗമായി നാഷണല്‍ ഗെയിംസ്‌ ഓര്‍ഗനൈസിംഗ്‌ കമ്മിറ്റിയുടേയും തൃശൂര്‍ ജില്ലാ റൈഫിള്‍ അസോസിയേഷന്റേയും ആഭിമുഖ്യത്തില്‍ സംഘടിപ്പിക്കുന്ന ആയുധങ്ങളുടെ പ്രദര്‍ശനം 28, 29 തിയ്യതികളില്‍ തൃശൂര്‍ പാറമേക്കാവ്‌ അഗ്രശാലയില്‍ നടക്കും. ജില്ലാ കലക്‌ടര്‍ എം.എസ്‌. ജയയാണ്‌ പത്രസമ്മേളനത്തില്‍ ഇക്കാര്യം അറിയിച്ചത്‌. ബി.എസ്‌.എഫ്‌, നാവികസേന, കേരള പോലീസ്‌ റൈഫിള്‍ അസോസിയേഷന്‍ എന്നിവര്‍ പ്രദര്‍ശനത്തിന്റെ ഭാഗമാകും. രാവിലെ 10 മുതല്‍ വൈകിട്ട്‌ ഏഴുവരെ വരെ നടക്കുന്ന പ്രദര്‍ശനത്തില്‍ പ്രവേശനം സൗജന്യമാണ്‌. ജില്ലയില്‍ നടക്കുന്ന കായിക മത്സരങ്ങളില്‍ പങ്കെടുക്കുന്ന എല്ലാ കായിക താരങ്ങള്‍ക്കുമുള്ള താമസ സൗകര്യം തയ്യാറാണെന്നും വേദികളുടെ നിര്‍മാണ പ്രവര്‍ത്തനങ്ങള്‍ ജനുവരി പത്തിന്‌ മുമ്പ്‌ പൂര്‍ത്തിയാകുമെന്നും കലക്‌ടര്‍ അറിയിച്ചു. അസിസ്‌റ്റന്റ്‌ കമ്മിഷണര്‍ ഷാഹുല്‍ ഹമീദ്‌, റൂറല്‍ എസ്‌.പി. എന്‍. വിജയകുമാര്‍, ബി.എസ്‌.എഫ്‌. ഇന്‍സ്‌പെക്‌ടര്‍ കെ.എ. അപ്പു, റൈഫിള്‍ അസോസിയേഷന്‍ സെക്രട്ടറി റെനീഷ്‌ എബ്രഹാം എന്നിവരും പത്രസമ്മേളനത്തില്‍ പങ്കെടുത്തു.
from kerala news edited
via IFTTT
