സജ്ഞയ് ചപോല്‍ക്കറിന്റെ പെയിന്റിംഗ് പ്രദര്‍ശനം സ്‌കില്‍സ് ഡവലപ്‌മെന്റ് സെന്ററില്‍
Posted on: 24 Dec 2014
ദോഹ. മീഡിയ പ്ലൂസ് കലാകാരനായ സജ്ഞയ് ചപോല്‍ക്കറിന്റെ രണ്ട് ദിവസം നീണ്ടുനില്‍ക്കുന്ന പെയിന്റിംഗ് പ്രദര്‍ശനം സ്‌കില്‍സ് ഡവലപ്‌മെന്റ് സെന്ററില്‍ നടക്കും. പ്രദര്‍ശനം വെള്ളിയാഴ്ച രാവിലെ പത്തു മണിക്ക് ഇന്ത്യന്‍ എംബസി ഡെപ്യൂട്ടി ചീഫ് ഓഫ് മിഷന്‍ രാജ് കുമാര്‍ സിംഗ് ഉദ്ഘാടനം ചെയ്യും.ഇന്ത്യന്‍ കല്‍ചറല്‍ സെന്റര്‍ പ്രസിഡണ്ട് ഗിരീഷ് കുമാര്‍, ഇന്ത്യന്‍ കമ്മ്യൂണിറ്റി ബനവലന്റ് ഫോറം വൈസ് പ്രസിഡണ്ട് ബേബി കുര്്യന്‍, ഇന്ത്യന്‍ പ്രൊഫഷണല്‍ ആന്റ് ബിസിനസ് നെറ്റ് വര്‍ക് പ്രസിഡണ്ട് കെ.എം. വര്‍ഗീസ്, ഇന്ത്യന്‍ മീഡിയ ഫോറം പ്രസിഡണ്ട് പ്രദീപ് മേനോന്‍, സ്‌കില്‍സ് ഡവലപ്‌മെന്റ് സെന്റര്‍ മാനേജിംഗ് ഡയറക്ടര്‍ പി. എന്‍. ബാബുരാജന്‍ തുടങ്ങിയവര്‍ ചടങ്ങില്‍ സംബന്ധിക്കും.
ഇന്ത്യയിലേയും ഖത്തറിലേയും തെരഞ്ഞെടുത്ത ദൃശ്യങ്ങള്‍ ജലച്ഛായത്തില്‍ പകര്‍ത്തിയ 33 പെയിന്റിംഗുകളാണ് പ്രദര്‍ശിപ്പിക്കുന്നത്. ഇന്ത്യയില്‍ നിരവധി പ്രദര്‍ശനങ്ങളും ആര്‍ട് വര്‍ക് ഷോപ്പുകളും സംഘടിപ്പിച്ച സജ്ഞയ് ചപോല്‍ക്കറിന്റെ ഖത്തറിലെ രണ്ടാമത്തെ പ്രദര്‍ശനമാണിത്.
വെള്ളിയാഴ്ച ഉച്ച കഴിഞ്ഞ് മൂന്ന് മണി മുതല്‍ ഒമ്പതു മണി വരെയും ശനിയാഴ്ച രാവിലെ 9 മണി മുതല്‍ ഉച്ചക്ക് ഒരു മണി വരെയും മൂന്ന് മണി മുതല്‍ വൈകുന്നേരം 9 മണി വരെയുമാണ് പ്രദര്‍ശനം.
from kerala news edited
via IFTTT
