Story Dated: Sunday, January 18, 2015 03:38
കോട്ടയം: പരസ്‌പര വിരുദ്ധമായ കാര്യങ്ങളാണ്‌ ബിജു രമേശ്‌ പലപ്പോഴായി ഉന്നയിക്കുന്നതെന്ന്‌ മന്ത്രി കെ.എം. മാണി. ബിജു രമേശ്‌ ആരാണെന്ന്‌ കേരളത്തിലെ ജനങ്ങള്‍ക്ക്‌ അറിയാമെന്നും അദ്ദേഹം പറഞ്ഞു.
ബാര്‍ കോഴ കേസില്‍ വിജിലന്‍സ്‌ അന്വേഷണം അട്ടിമറിക്കാന്‍ ശ്രമം നടക്കുന്നതായി ബിജു രമേശ്‌ ആരോപണം ഉന്നയിച്ചിരുന്നു. ഇതിന്റെ ഭാഗമായാണ്‌ എ.ഡി.ജി.പി ജേക്കബ്‌ തോമസിനെതിരെ പൊതുതാല്‍പര്യ ഹര്‍ജി ഫയല്‍ ചെയ്‌തിരിക്കുന്നത്‌. കെ.എം മാണിയുടെ കീഴിലുള്ള നിയമവകുപ്പാണ്‌ ഇതിന്‌ പിന്നില്‍. കൂടാതെ മാണിക്കെതിരായുള്ള മൊഴി മാറ്റിപ്പറയാന്‍ ജോസ്‌ കെ മാണി എം.പിയും മന്ത്രി പി.ജെ ജോസഫും ബാറുടമകളില്‍ സമ്മര്‍ദം ചെലുത്തിയിരുന്നതായും ബിജു രമേശ്‌ ആരോപിച്ചു. ഈ ആരോപണങ്ങള്‍ക്ക്‌ എതിരെ പ്രതികരിക്കുകയായിരുന്നു മാണി. എന്നാല്‍ ബാര്‍ കോഴ വിവാദം ആരോപണങ്ങളുടെ പുകമറ മാത്രമെന്ന്‌ കെ. മുരളീധരന്‍ തിരുവനന്തപുരത്ത്‌ പ്രതികരിച്ചു. ചിലര്‍ വീണിടത്തു കിടന്ന്‌ കയ്യും കാലുമിട്ട്‌ അടക്കുകയാണെന്നും അദ്ദേഹം കൂട്ടിച്ചേര്‍ത്തു.
പൂട്ടിയ ബാറുകള്‍ തുറക്കാന്‍ ധനമന്ത്രി കെ.എം. മാണിക്ക്‌ കോഴ നല്‍കിയ വിവരം ഡിസംബര്‍ 31ന്‌ ചേര്‍ന്ന ബാറുടമകുടെ അസോസിയേഷന്‍ യോഗത്തിലാണ്‌ അറിയിച്ചതെന്ന്‌ ബിജു രമേശ്‌ മുമ്പ്‌ പ്രതികരിച്ചിരുന്നു.
from kerala news edited
via IFTTT
