Story Dated: Sunday, January 18, 2015 02:37
ന്യൂഡല്‍ഹി: ആം ആദ്‌മി പാര്‍ട്ടി മുന്‍ എം.എല്‍.എ വിനോദ്‌ കുമാര്‍ ബിന്നി ബി.ജെ.പി.യിലേക്ക്‌. ഇന്നലെ ബി.ജെ.പി നേതാവ്‌ സതീഷ്‌ ഉപാധ്യയുമായി വിനോദ്‌ കുമാര്‍ ബിന്നി കൂടികാഴ്‌ച നടത്തിയിരുന്നു. വിനോദ്‌ കുമാര്‍ ബിന്നിയുമായുള്ളയുമായുള്ള ചര്‍ച്ചകള്‍ അവസാന ഘട്ടത്തിലാണെന്ന്‌ ബി.ജെ.പി നേതാക്കള്‍ പറഞ്ഞു.
അദ്ദേഹത്തിന്റെ പാര്‍ട്ടി പ്രവേശനം സംബന്ധിച്ച്‌ ഔദ്യോഗിക പ്രഖ്യാപനം ഉടനുണ്ടാകുമെന്നാണ്‌ സൂചന. ലക്ഷ്‌മിനഗര്‍ എം.എല്‍.എ ആയിരുന്ന ബിന്നി അരവിന്ദ്‌ കെജ്രിവാളുമായുള്ള അഭിപ്രായ ഭിന്നതയെ തുടര്‍ന്ന്‌ കഴിഞ്ഞ വര്‍ഷമാണ്‌ പാര്‍ട്ടി വിട്ടത്‌. ആം ആദ്‌മി പാര്‍ട്ടി നേതാവായിരുന്ന ഷാസിയ ഇല്‍മിയും കിരണ്‍ ബേദിയും കഴിഞ്ഞ ദിവസം ബി.ജെ.പിയില്‍ ചേര്‍ന്നിരുന്നു.
from kerala news edited
via IFTTT
