Story Dated: Sunday, January 18, 2015 03:50
ആലപ്പുഴ: കായംകുളത്ത്‌ വീണ്ടും ഘര്‍ വാപ്പസി നടത്തിയതായി റിപ്പോര്‍ട്ട്‌. വിശ്വ ഹിന്ദു പരിഷത്തിന്റെ നേതൃത്വത്തില്‍ അഞ്ച്‌ കുടുംബങ്ങളിലെ 27 പേരെയാണ്‌ ഹിന്ദു മതത്തിലേക്ക്‌ മതപരിവര്‍ത്തനം നടത്തിയത്‌.
കായംകുളം പുതുപ്പള്ളിയിലെ വാരാണപ്പള്ളിക്ക്‌ സമീപത്തുള്ള കുടുംബക്ഷേത്രത്തില്‍ വച്ചാണ്‌ മതപരിവര്‍ത്തന ചടങ്ങ്‌ നടത്തിയത്‌. ചെട്ടിക്കുളങ്ങര പ്രദേശത്ത്‌ നിന്നുള്ള ദളിത്‌ ക്രിസ്‌ത്യന്‍ വിഭാഗക്കാരാണ്‌ ഹിന്ദു മതം സ്വീകരിച്ചത്‌. മതം മാറിയവരുടെ പേരോ മറ്റ്‌ വിശദാംശങ്ങളോ വി.എച്ച്‌.പി പുറത്തുവിട്ടിട്ടില്ല.
നേരത്തെ കായംകുളത്ത്‌ തന്നെ മുസ്ലീം കുടുംബങ്ങളില്‍ നിന്നുള്ളവരെ വി.എച്ച്‌.പി മതം മാറ്റിയിരുന്നു. കായംകുളത്ത്‌ നിന്ന്‌ രണ്ട്‌ കുടുംബങ്ങളിലെയും ആറാട്ടുപുഴയിലെ ഒരു കുടുംബത്തില്‍ നിന്നുള്ളവരെയുമാണ്‌ മതം മാറ്റിയത്‌.
from kerala news edited
via IFTTT
