Story Dated: Thursday, January 15, 2015 05:57
തിരുവനന്തപുരം : സദാചാര പോലീസിനെതിരെ സംസ്‌ഥാനത്ത്‌ വിവിധയിടങ്ങളില്‍ നടത്തിവരുന്ന ചുംബന സമരത്തെ എതിര്‍ത്ത്‌ ജി. സുധാകരന്‍ എംഎല്‍എയും രംഗത്തെത്തി. ഭാര്യാ ഭര്‍ത്താക്കാന്മാര്‍ അടച്ചിട്ട മുറിയില്‍ ചെയ്യേണ്ടതാണ്‌ ചുംബനം. അത്‌ പൊതു നിരത്തില്‍ മറ്റുള്ളവക്ക്‌ മുന്നില്‍ കാണിക്കാനുള്ളതല്ല. ചുംബന സമരം എന്നത്‌ നിലവിലുള്ള വ്യവസ്‌ഥിതിയ്‌ക്ക് എതിരാണെന്നും ചുംബനം കൊണ്ട്‌ വിപ്ലവം നടത്താന്‍ കഴിയില്ലെന്നും ജി. സുധാകരന്‍ കൂട്ടിച്ചേര്‍ത്തു.
ചുംബന സമരത്തിനെതിരെ സിപിഎം സംസ്‌ഥാന സെക്രട്ടറി പിണറായി വിജയനും നേരത്തെ രംഗത്തെത്തിയിരുന്നു. ഭാര്യയും ഭര്‍ത്താവും അടച്ചിട്ട മുറിയില്‍ കാട്ടുന്നത്‌ തെരുവില്‍ കാണിച്ചാല്‍ ജനം അത്‌ അംഗീകരിക്കില്ലെന്നും ഇത്തരം സമരങ്ങള്‍ക്ക്‌ ജനപിന്തുണ ലഭിക്കില്ലെന്നും ആയിരുന്നു പിണറായിയുടെ പ്രതികരണം.
from kerala news edited
via IFTTT
