Story Dated: Thursday, January 15, 2015 04:11
ഉന്നാവോ : ഗംഗാനദിയില്‍ നിന്നും കഴിഞ്ഞ ദിവസം നൂറോളം മൃതദേഹങ്ങള്‍ കണ്ടെടുത്ത സംഭവത്തില്‍ സിബിഐ അന്വേഷണം വേണമെന്ന്‌ ബി.എസ്‌.പി നേതാവ്‌ മായാവതി. ജനങ്ങള്‍ക്ക്‌ സുരക്ഷയൊരുക്കാന്‍ സമാജ്‌വാദി സര്‍ക്കാര്‍ പരാജയപ്പെട്ടുവെന്നും യു.പിയിലെ ക്രമസമാധാന നില തകര്‍ന്നിരിക്കുകയാണെന്നും മായാവതി കുറ്റപ്പെടുത്തി.
ഉന്നാവോ ജില്ലയിലെ സാഫിയ മേഖലയില്‍ നിന്നുമാണ്‌ കഴിഞ്ഞ ദിവസം നൂറോളം മൃതദേഹങ്ങള്‍ കണ്ടെത്തിയത്‌. നായ്‌ക്കളും പക്ഷികളും മീനുകളും ഭക്ഷണമാക്കിയതിനെ തുടര്‍ന്ന്‌ വികൃതമായ നിലയിലായിരുന്നു മൃതദേഹങ്ങളില്‍ ഏറെയും. മൃതദേഹങ്ങളില്‍ നിന്നും ഡി.എന്‍.എ ടെസ്‌റ്റിന്‌ വേണ്ട സാമ്പിളുകള്‍ ശേഖരിച്ച്‌ തുടങ്ങിയിട്ടുണ്ട്‌.
സംഭവത്തില്‍ ഉത്തര്‍പ്രദേശ്‌ സര്‍ക്കാരിനോട്‌ വിശദീകരണം ആവശ്യപ്പെട്ടിട്ടുണ്ട്‌. അവിവാഹിതരായ പെണ്‍കുട്ടികളുടെയും കുട്ടികളുടെയും മൃതദേഹങ്ങളാണ്‌ ഗംഗയില്‍ കണ്ടെടുത്തതെന്നാണ്‌ പ്രാഥമിക നിഗമനം.
from kerala news edited
via IFTTT
