മലയാളി അസോസിയേഷന്‍ ഓഫ് ടെല്ലഹസി ക്രിസ്മസ്-പുതുവത്സരാഘോഷം
Posted on: 16 Jan 2015
ടെല്ലഹസി, ഫ്ലോറിഡ: മലയാളി അസോസിയേഷന്‍ ഓഫ് ടെല്ലഹസി (എം.എ.ടി) ക്രിസ്മസും പുതുവത്സരവും ആഘോഷിച്ചു. ചെയേഴ്‌സ് കമ്യൂണിറ്റി സെന്ററില്‍ വെച്ച് വിവിധ കലാപരിപാടികളോടെയാണ് ആഘോഷപരിപാടികള്‍ അരങ്ങേറിയത്.
ആഘോഷപരിപാടികള്‍ക്ക് പ്രസിഡന്റ് ജോണ്‍ ആന്റണി മേല്‍നോട്ടം വഹിച്ചു. പ്രസന്ന കളത്തില്‍ ഉദ്ഘാടനം നിര്‍വഹിച്ചു. ഡാനി അലക്‌സ് കലാപരിപാടികളുടെ അവതാരകനായും, ഷിജാ ജോര്‍ജ് സംഘാടകയായും പ്രവര്‍ത്തിച്ചു. കുട്ടികള്‍ അവതരിപ്പിച്ച സ്‌കിറ്റ് പ്രത്യേകം ശ്രദ്ധേയമായി.
അസോസിയേഷന്‍ അംഗങ്ങള്‍ അവതരിപ്പിച്ച ഡാന്‍സ്, കുട്ടികളുടേയും മുതിര്‍ന്നവരുടേയും സാംസ്‌കാരിക പരിപാടികള്‍ എന്നിവ ആഘോഷപരിപാടികള്‍ക്ക് തിളക്കമേകി. ക്രിസ്മസ് കരോള്‍, പുതുവത്സര ഡിന്നര്‍ എന്നിവയും ആഘോഷങ്ങളുടെ ഭാഗമായി നടത്തപ്പെട്ടു. ജെറി പുല്ലന്‍ സമ്മാനദാനം നിര്‍വഹിച്ചു.
ജോയിച്ചന്‍ പുതുക്കുളം
from kerala news edited
via IFTTT
