കെയിന്‍ ക്രിസ്മസ് -ന്യൂഇയര്‍ ആഘോഷം
Posted on: 29 Dec 2014
ബോസ്റ്റണ്‍: കേരളാ അസോസിയേഷന്‍ ഓഫ് ന്യൂഇംഗ്ലണ്ട് (കെയിന്‍) ക്രിസ്മസ് - ന്യൂഇയര്‍ ആഘോഷം ശ്രദ്ധേയമായി. ബോസ്റ്റണിനടുത്തുള്ള കീഫ് ടെക് സ്‌കൂളില്‍ നടത്തിയ ആഘോഷങ്ങളില്‍ മുഖ്യാതിഥിയായി പങ്കെടുത്ത് ക്രിസ്മസ് സന്ദേശം നല്‍കിയത് സീറോ മലങ്കര കാത്തലിക് അമേരിക്ക-കാനഡ ഭദ്രാസനാധിപന്‍ അഭിവന്ദ്യ ഡോ.തോമസ് മാര്‍ യൗസേബിയോസ് തിരുമേനി ആയിരുന്നു.
കേരളാ അസോസിയേഷന്‍ പ്രസിഡന്റ് പ്രകാശ് നെല്ലുവളപ്പില്‍ സ്വാഗതവും സെക്രട്ടറി ജോസ് മോഹന്‍ നന്ദിയും പറഞ്ഞു. പരിപാടികളുടെ നിയന്ത്രണം മാത്യു ചാക്കോ ആയിരുന്നു. വൈസ് പ്രസിഡന്റ് ബാബു പുന്നൂസ്, ജോയിന്റ് സെക്രട്ടറി വിജു പോള്‍, ട്രഷറര്‍ റോയി വര്‍ഗീസ് തുടങ്ങിയവരും കമ്മിറ്റി അംഗങ്ങളും പരിപാടികള്‍ക്ക് നേതൃത്വം നല്‍കി. കെയിന്‍ ഡയറക്ടറി സൗജന്യമായി വിതരണം ചെയ്തു. 2015-ലെ കെയിന്‍ കലണ്ടര്‍ ജനുവരി ആദ്യവാരം വിതരണം ചെയ്യുമെന്ന് പ്രസിഡന്റ് അറിയിച്ചു.
ജോയിച്ചന്‍ പുതുക്കുളം
from kerala news edited
via IFTTT
