Story Dated: Monday, December 29, 2014 12:55
ബംഗലൂരു: ബംഗലൂരുവില്‍ ഇന്നലെയുണ്ടാ സ്‌ഫോടനത്തില്‍ അന്വേഷണ ഏജന്‍സി സ്റ്റുഡന്‍സ് ഇസ്ലാമിക് മൂവ്‌മെന്റ് ഓഫ് ഇന്ത്യ (സിമി)യുടെ പങ്കും പരിശോധിക്കുന്നു. മധ്യപ്രദേശിലെ ജയിലില്‍ നിന്നും 2013ല്‍ തടവുചാടി അഞ്ചു സിമി പ്രവര്‍ത്തകരുടെ പങ്കാണ് പരിശോധിക്കുന്നത്. അതിനുള്ള സാധ്യത കാണുന്നുണ്ട്. എന്നാല്‍ ഇക്കാര്യം ഉറപ്പിക്കാന്‍ കഴിഞ്ഞിട്ടില്ല. അതിനാല്‍തന്നെ അത്തരത്തിലുള്ള ഒരു പ്രസ്താവനയും നടത്താന്‍ കഴിയില്ലെന്നും ആഭ്യന്തര സഹമന്ത്രി കിരണ്‍ റിജ്ജു പറഞ്ഞു.
സംഭവത്തില്‍ സിമിയുടെ പങ്ക് ഇതുവരെ കണ്ടെത്താന്‍ കഴിഞ്ഞിട്ടില്ല. എന്നാല്‍ സ്‌ഫോടനം നടത്തിയ രീതി പരിശോധിക്കുമ്പോള്‍ സിമിയുടെ പങ്ക് തള്ളിക്കളയാന്‍ കഴിയില്ലെന്നും കിരണ്‍ റിജ്ജു ചൂണ്ടിക്കാട്ടി.
കഴിഞ്ഞ വര്‍ഷം ഒക്‌ടോബറിലാണ് ജയില്‍ ജീവനക്കാരെ ആക്രമിച്ച ശേഷം ആയുധങ്ങളുമായി അഞ്ചു സിമി തീവ്രവാദികള്‍ തടവുചാടിയത്. പാക് ചാര സംഘടനയായ ഐ.എസ്.ഐ യുടെ സഹായത്തോടെ സ്‌ഫോടനത്തിന് ഇവര്‍ പദ്ധതിയിടുന്നതായി ഇന്റലിജന്‍സിന് വിവരം ലഭിച്ചിരുന്നു.
from kerala news edited
via IFTTT
