എന്‍ എല്‍ ബാലകൃഷ്‌ണന്‌ സഹായം നല്‍കിയിയിരുന്നു: ഇന്നസെന്റ്‌

Story Dated: Friday, December 26, 2014 08:00

തിരുവനന്തപുരം: രോഗബാധിതനായിരുന്ന സമയത്ത്‌ എന്‍ എല്‍ ബാലകൃഷ്‌ണന്‌ താര സംഘടനയായ 'അമ്മ' സഹായം നല്‍കിയിരുന്നുവെന്ന്‌ ഇന്നസെന്റ്‌. മറ്റുളളവര്‍ക്ക്‌ കൊടുക്കുന്ന പോലെയുളള സഹായമാണ്‌ നല്‍കിവന്നിരുന്നത്‌. മാസം 5000 രൂപ വീതമാണ്‌ നല്‍കിയിരുന്നത്‌ എന്നും ഇന്നസെന്റ്‌ വെളിപ്പെടുത്തി. എന്‍ എല്‍ ബാലകൃഷ്‌ണന്‍ രോഗബാധിതനായിരുന്ന സമയത്ത്‌ താരസംഘടന വേണ്ടത്ര സഹായം നല്‍കിയിരുന്നില്ല എന്ന വിമര്‍ശനത്തോടു പ്രതികരിക്കുകയായിരുന്നു അദ്ദേഹം.

അതേസമയം, ഇന്നിനെ ആഘോഷിക്കുന്ന വ്യക്‌തിയായിരുന്ന എന്‍ എല്‍ എന്ന്‌ നടന്‍ ജഗദീഷ്‌ അനുസ്‌മരിച്ചു. നല്ല സിനിമകളുടെ വക്‌താവായിരുന്ന അദ്ദേഹത്തിന്‌ ന്യൂ ജനറേഷന്‍ സിനിമകളുടെ ഭാഗമാവാന്‍ കഴിഞ്ഞു. സുഹൃദ്‌ബന്ധങ്ങള്‍ നിലനിര്‍ത്തുന്ന കാര്യത്തില്‍ അദ്ദേഹം ഒരു മാതൃകയായിരുന്നുവെന്നും ജഗദീഷ്‌ അനുസ്‌മരിച്ചു.

പ്രമേഹരോഗം അധികരിച്ച്‌ ആശുപത്രിയിലായിരുന്ന എന്‍ എല്‍ ബാലകൃഷ്‌ണന്റെ രണ്ട്‌ കാലുകളിലും അടുത്തകാലത്ത്‌ ശസ്‌ത്രക്രിയ നടത്തിയിരുന്നു. പിന്നീട്‌ ഹൃദ്രോഗവും അര്‍ബുദവും ശക്‌തിയോടെ ആക്രമിച്ചു. വ്യാഴാഴ്‌ച രാത്രി 11 മണിയോടെയാണ്‌ മരണത്തിന്‌ കീഴടങ്ങിയത്‌. വെളളിയാഴ്‌ച ഉച്ചയ്‌ക്ക് രണ്ട്‌ മണിക്ക്‌ പൗഡിക്കോണത്തെ വീട്ടിലാണ്‌ ശവസംസ്‌കാര ചടങ്ങുകള്‍.

from kerala news edited

via IFTTT