Story Dated: Friday, December 26, 2014 06:35
തിരുവനന്തപുരം: സര്‍ക്കാര്‍ ചീഫ്‌വിപ്പ്‌ പി സി ജോര്‍ജ്‌ജിന്റെ പ്രൈവറ്റ്‌ സെക്രട്ടറിയുടെ മകന്റെ വാഹനമിടിച്ച്‌ ഓട്ടോ ഡ്രൈവര്‍ക്ക്‌ പരിക്കേറ്റു. സംഭവത്തെ തുടര്‍ന്ന്‌ നാട്ടുകാര്‍ ചേര്‍ന്ന്‌ കാര്‍ തടഞ്ഞിട്ടു. ഇന്നലെ രാത്രി 11. 30 യോടെയായിരുന്നു സംഭവം. ഓട്ടോ ഡ്രൈവറെ ഗുരുതരമായി പരിക്കേറ്റ നിലയില്‍ ആശുപത്രിയില്‍ പ്രദേശിപ്പിച്ചു.
പി സി ജോര്‍ജ്‌ജിന്റെ പി എ സണ്ണിയുടെ മകനും സുഹൃത്തുക്കളും സഞ്ചരിച്ച വാഹനമാണ്‌ അപകടമുണ്ടാക്കിയത്‌. മദ്യലഹരിയില്‍ അമിതവേഗത്തില്‍ പോയ ബിഎംഡബ്ല്യൂ കാറാണ്‌ ഓട്ടോയില്‍ ഇടിച്ചത്‌. ഇതേ തുടര്‍ന്ന്‌ നിര്‍ത്താതെ ഓടിച്ചു പോയ കാര്‍ ടയര്‍ പൊട്ടിയതിനെ തുടര്‍ന്ന്‌ നാട്ടുകാര്‍ തടഞ്ഞിടുകയായിരുന്നു. പിന്നീട്‌ പോലീസ്‌ എത്തി കാര്‍ കസ്‌റ്റഡിയില്‍ എടുത്തെങ്കിലും നടപടിയെടുക്കുമെന്ന്‌ ഉറപ്പാക്കിയതോടെയാണ്‌ നാട്ടുകാര്‍ പിരിഞ്ഞു പോയത്‌.
ടയര്‍പൊട്ടി വഴിയില്‍ കിടന്ന കാറില്‍ ഉണ്ടായിരുന്നവര്‍ ഇറങ്ങിയോടിയതിനാല്‍ ഇവരെ പിടികൂടാനായില്ല. പോലീസ്‌ എത്തി കാര്‍ സ്‌ഥലത്തു നിന്നും മാറ്റാന്‍ ശ്രമിച്ചത്‌ സംഘര്‍ഷത്തിന്‌ കാരണമായിരുന്നു. നേരത്തേയും ഈ ബിഎംഡബ്ല്യൂ കാര്‍ അമിതവേഗത്തില്‍ ഓടിച്ച്‌ അപകടമുണ്ടാക്കിയിട്ടുണ്ട്‌.
from kerala news edited
via IFTTT
