Story Dated: Thursday, December 25, 2014 03:02
മലപ്പുറം: ജില്ലയുടെ വ്യവസായ പുരോഗതിക്ക്‌ ഭക്ഷ്യോല്‍പന്ന യൂണിറ്റുകള്‍ക്ക്‌ വന്‍ സാധ്യതയുണ്ടെന്നു അഡ്വ.എം.ഉമ്മര്‍ എം.എല്‍.എ പറഞ്ഞു. മലപ്പുറത്തുണ്ടാക്കുന്ന ഭക്ഷ്യോത്‌പന്നങ്ങള്‍ മിതമായ വിലയ്‌ക്ക് വാങ്ങി അന്യ സംസ്‌ഥാനങ്ങളിലേയ്‌ക്ക് കൊണ്ടുപോയി പാക്ക്‌ ചെയ്‌ത് വലിയ വിലയ്‌ക്ക് വിപണിയിലെത്തിക്കുന്ന സാഹചര്യമാണ്‌ ഇന്നുള്ളത്‌. വിലയിലുണ്ടാകുന്ന ഈ വ്യതിയാനം മൂലം ഉത്‌പാദകര്‍ക്കും ജില്ലയ്‌ക്കും കനത്ത നഷ്‌ടമാണ്‌ ഉണ്ടാകുന്നത്‌. ഇവിടെ ഉണ്ടാക്കുന്ന ഉത്‌പന്നങ്ങള്‍ക്ക്‌ ഇവിടെ തന്നെ വിപണി കണ്ടെത്തി വിറ്റഴിക്കാനുള്ള വഴികള്‍ സംരംഭകര്‍ ശ്രദ്ധിക്കേണ്ടതുണ്ടെന്നും അദ്ദേഹം പറഞ്ഞു. ജില്ലാ പഞ്ചായത്തും ജില്ലാ വ്യവസായ കേന്ദ്രവും സംഘടിപ്പിച്ച പുഞ്ച മലപ്പുറം മേളയിലെ അഞ്ചാം ദിവസത്തെ ഭക്ഷ്യ-മാംസ സംസ്‌കരണം സംബന്ധിച്ച സാങ്കേതിക ശില്‌പപശാല ഉദ്‌ഘാടനം ചെയ്‌ത് സംസാരിക്കുകയായിരുന്നു അദ്ദേഹം. ജില്ലാ പഞ്ചായത്ത്‌ അംഗം പി. ഖാലിദ്‌ അധ്യക്ഷനായി. ഡോ.കെ മാധവന്‍, ഡോ.പി കുട്ടി നാരായണന്‍, ഫുഡ്‌ ടെക്‌നോളജിസ്‌റ്റ് പി.അലി ക്ലാസ്സെടുത്തു. ജില്ലാ വ്യവസായ കേന്ദ്രം ജനറല്‍ മാനേജര്‍ ടി.അബ്‌ദുല്‍ വഹാബ്‌ സ്വാഗതവും അസി.ജില്ലാ വ്യവസായ ഓഫീസര്‍ എ.അബ്‌ദുല്‍ ലത്തീഫ്‌ നന്ദിയും പറഞ്ഞു.
from kerala news edited
via IFTTT
