Story Dated: Thursday, December 25, 2014 03:02
തിരൂരങ്ങാടി: വൈലത്തൂര്‍ അത്താണിക്കലില്‍ നിന്നും കുണ്ടൂര്‍ ഉസ്‌താദ്‌ ഉറൂസിലേക്കു 250 ഓളം പഴക്കുലവരവെത്തി. ഇന്നലെയാണു പഴക്കുലകള്‍ നിറച്ച പിക്കപ്പ്‌വാന്‍ ഗൗസിയ് നയഗറിലെത്തിയത്‌. അത്താണിക്കല്‍ യൂണിറ്റ്‌ എസ്‌. വൈ.എസിന്റെ നേതൃത്വത്തിലാണ്‌ പഴക്കുല വരവ്‌ നടന്നത്‌. എസ്‌. വൈ.എസ്‌ പ്രവര്‍ത്തകരെ നാട്ടുകാര്‍ നേര്‍ച്ചയായും സംഭാവനയായും ഏല്‍പിച്ച പഴക്കുലകളാണിവ. പലരും പ്രയാസ ഘട്ടങ്ങളില്‍ കുണ്ടൂരിലേക്ക്‌ പഴക്കുല നേര്‍ച്ചയാക്കുന്നതും ഉദ്ദേശ്യം സഫലമാക്കുന്നതും അനുഭവമാണെന്ന്‌ പ്രവര്‍ത്തകര്‍ പറഞ്ഞു. ഗൗസിയ്യ നഗറിലെത്തിയ പഴക്കുല വരവിനെ ഉറൂസ്‌ സ്വാഗതസംഘം ചെയര്‍മാന്‍ സയ്യിദ്‌ യൂസുഫുല്‍ ജീലാനി, കുണ്ടൂര്‍ ഉസ്‌താദിന്റെ മക്കളായ എന്‍. പി ബാവ ഹാജി, ലത്തീഫ്‌ ഹാജി കുണ്ടൂര്‍ എന്നിവരുടെ നേതൃത്വത്തില്‍ സ്വീകരിച്ചു. മറ്റു പല ഭാഗങ്ങളില്‍ നിന്നും അമുസ്ലിംകള്‍ പോലും ഇവിടേക്ക്‌ പഴക്കുലയുമായി എത്തുന്നത്‌ സ്‌ഥിരം കാഴ്‌ചയാണ്‌.
from kerala news edited
via IFTTT
