Story Dated: Thursday, January 15, 2015 09:59
തിരുവനന്തപുരം: നിലവാരമില്ലാത്തതിന്റെ പേരില്‍ പൂട്ടിയ ബാറുകളില്‍ മിക്കതും ബിയര്‍, വൈന്‍ പാര്‍ലറുകളാക്കിയതിനു പിന്നാലേ ബാറുടമകളെ പ്രീതിപ്പെടുത്താന്‍ സര്‍ക്കാര്‍ വീണ്ടും മദ്യനയത്തില്‍ വെള്ളം ചേര്‍ക്കാനൊരുങ്ങുന്നുവെന്ന്‌ റിപ്പോര്‍ട്ട്‌. ഇത്തരം പാര്‍ലറുകളില്‍ താരതമ്യേന വീര്യം കുറഞ്ഞ മദ്യം കൂടി വില്‍ക്കാന്‍ അനുമതി നല്‍കാന്‍ നീക്കം നടത്തുന്നുവെന്നാണ്‌ വാര്‍ത്തകള്‍.
നിലവില്‍ 42.8 ശതമാനം വീര്യമുളള മദ്യമാണ്‌ ബിവറേജസ്‌ ഔട്ട്‌ലെറ്റുകള്‍ വഴിയും ബാറുകള്‍ വഴിയും വില്‍ക്കുന്നത്‌. ബിയര്‍, വൈന്‍ പാര്‍ലറുകള്‍ നഷ്‌ടമായതിനാല്‍ ലൈസന്‍സികള്‍ക്ക്‌ 21 ശതമാനം വീര്യമുളള മദ്യം വില്‍ക്കാനുളള അനുമതി നല്‍കാനാണ്‌ ആലോചന. എന്നാല്‍, പുതിയ നീക്കത്തെ ബിവറേജസ്‌ കോര്‍പറേഷന്‍ ശക്‌തമായി എതിര്‍ക്കുമെന്നാണറിവ്‌.
എന്നാല്‍ എതിര്‍പ്പുകളെ മറികടന്നും തീരുമാവുമായി മുന്നോട്ടു പോകാനാണ്‌ എക്‌സൈസ്‌ വകുപ്പ്‌ ആഗ്രഹിക്കുന്നത്‌. ചില മദ്യക്കമ്പനികളുടെ ഒത്താശയോടാണിതെന്ന ആരോപണങ്ങളുമുയരുന്നുണ്ട്‌.
from kerala news edited
via IFTTT
