Story Dated: Thursday, January 15, 2015 09:49
സിഡ്‌നി: ഇരുപത് വര്‍ഷം നീണ്ട ക്രിക്കറ്റ് കരിയറില്‍ നിന്ന് ഓസ്‌ട്രേലിയന്‍ പേസ് ബൗളര്‍ ബ്രെറ്റ് ലീ (38) വിരമിക്കുന്നു. എല്ലാ മത്സരങ്ങളില്‍ നിന്നും വിരമിക്കുന്നതായി വ്യാഴാഴ്ചയാണ് ലീ പ്രഖ്യാപിച്ചത്. 2012 ജൂലായ് മുതല്‍ രാജ്യാന്തര മത്സരങ്ങളില്‍ നിന്ന് ലീ വിട്ടുനില്‍ക്കുകയാണ്. ട്വന്റി20, ഐ.പി.എല്‍, ഓസ്‌ട്രേലിയന്‍ ആഭ്യന്തര മത്സരങ്ങളിലും ലീ കളിച്ചുവരികയായിരുന്നു. കൊല്‍ക്കൊത്ത നൈറ്റ് റൈഡേഴ്‌സ്, ഓസ്‌ട്രേലിയന്‍ ട്വന്റി20 ക്ലബായ സിഡ്‌നി സിക്‌സേഴ്‌സ് എന്നിവയുടെ കളിക്കാരനുമായിരുന്നു ലീ.
സിഡ്‌നി ക്രിക്കറ്റ് ഗ്രൗണ്ടിലാണ് ലീ തന്റെ വിരമിക്കല്‍ പ്രഖ്യാപനം നടത്തിയത്. ഓസ്‌ട്രേലിയയ്ക്കു വേണ്ടി 76 ടെസ്റ്റുകളില്‍ നിന്ന് 310 വിക്കറ്റുകള്‍ ലീ നേടിയിട്ടുണ്ട്.
from kerala news edited
via IFTTT
