Story Dated: Thursday, January 15, 2015 01:24
തിരുവനന്തപുരം: കോടതിയില്‍ നിന്ന്‌ ജാമ്യമെടുത്തശേഷം മുങ്ങി നടന്ന മോഷണക്കേസിലെ പ്രതിയെ ആറു വര്‍ഷങ്ങള്‍ക്കുശേഷം മെഡിക്കല്‍ കോളജ്‌ പോലീസ്‌ പിടികൂടി. കുന്നുകുഴി ബാര്‍ട്ടണ്‍ഹില്‍ ഗുണ്ടുകാട്‌ ടി.സി. 1027 ല്‍ താമസം അനി എന്നുവിളിക്കുന്ന അനില്‍കുമാറാണ്‌ പിടിയിലായത്‌.
2009 ല്‍ ഗൗരീശപട്ടത്തെ മോഹനന്‍നായരുടെ വീട്ടിലെ മോഷണക്കേസുമായി ബന്ധപ്പെട്ടാണ്‌ ഇയാള്‍ കോടതിയെ കബളിപ്പിച്ച്‌ മുങ്ങി നടന്നത്‌. ഇയാളെ പിടികൂടാനായി പ്രത്യേക അന്വേഷണസംഘം രൂപീകരിച്ചിരുന്നു. ഇവര്‍ നടത്തിയ കേസന്വേഷണത്തിലാണ്‌ ഇയാളെ പിടികൂടാനായത്‌. മെഡിക്കല്‍കോളജ്‌ സി.ഐ. ഷീന്‍തറയിലിന്റെ നേതൃത്വത്തില്‍ എസ്‌.ഐ. കെ. വിക്രമന്‍, എസ്‌.പി.ഒ. വിജയബാബു, സി.പി.ഒ. അനില്‍കുമാര്‍ എന്നിവര്‍ ചേര്‍ന്നാണ്‌ അനില്‍കുമാറിനെ അറസ്‌റ്റ് ചെയ്‌തത്‌. ഇയാളെ കോടതിയില്‍ ഹാജരാക്കി.
from kerala news edited
via IFTTT
