Story Dated: Wednesday, January 14, 2015 05:12
കാസര്‍കോട്‌: കാസര്‍കോട്‌ എം.ജി. റോഡിലെ ജെ.ജെ. ബെഡ്‌ സെന്ററില്‍ കയറി തളങ്കര നുസ്രത്ത്‌ റോഡിലെ സൈനുല്‍ ആബിദിനെ (22) കൊലപ്പെടുത്തിയ സംഭവത്തില്‍ അറസ്‌റ്റിലായി റിമാന്‍ഡില്‍ കഴിയുകയായിരുന്ന ജ്യോതിഷിനെ (26) കോടതി രണ്ടു ദിവസത്തേക്ക്‌ പോലീസ്‌ കസ്‌റ്റഡിയില്‍ വിട്ടു. കാസര്‍കോട്‌ ജെ.എഫ്‌.സി.എം. കോടതിയാണ്‌ ജ്യോതിഷിനെ അന്വേഷണ ഉദ്യോഗസ്‌ഥനായ കാസര്‍കോട്‌ ടൗണ്‍ സി.ഐ: പി.കെ. സുധാകരന്റെ കസ്‌റ്റഡിയില്‍ വിട്ടത്‌.
കൊലപാതകം സംബന്ധിച്ചും പ്രതികളെ സംബന്ധിച്ചും ചില വിവരങ്ങള്‍ ശേഖരിക്കാനാണ്‌ ജ്യോതിഷിനെ കസ്‌റ്റഡിയില്‍ ആവശ്യപ്പെട്ടതെന്ന്‌ സി.ഐ. പറഞ്ഞു. കൊലപാതകത്തിന്റെ ഗൂഢാലോചനാക്കുറ്റം ചുമത്തിയാണ്‌ ജ്യോതിഷിനെ കഴിഞ്ഞ അറസ്‌റ്റ് ചെയ്‌തത്‌. കേസില്‍ 15 പ്രതികളെയാണ്‌ പോലീസ്‌ ഇതിനകം അറസ്‌റ്റു ചെയ്‌തത്‌. ഇനി മൂന്നു പേരെ കൂടി കിട്ടാനുണ്ടെന്നു സി.ഐ സൂചിപ്പിച്ചു.
from kerala news edited
via IFTTT
