Story Dated: Wednesday, January 14, 2015 05:16
വാടാനപ്പള്ളി: തളിക്കുളം കലാഞ്ഞിയിലും തൃത്തല്ലൂര്‍ ചന്ദ്രന്‍സ്‌ റോഡരികിലും രൂപപ്പെട്ട കടന്നല്‍ കൂടുകള്‍ യാത്രക്കാര്‍ക്ക്‌ ഭീഷണി ഉയര്‍ത്തുന്നു. കലാഞ്ഞി കോളനിക്കു പടിഞ്ഞാറ്‌ പഞ്ചായത്ത്‌ തോടിനോടു ചേര്‍ന്ന്‌ മാവിന്‍കൊമ്പത്താണ്‌ വലിയ കടന്നല്‍കൂട്‌ രൂപപ്പെട്ടിട്ടുള്ളത്‌. സമീപത്ത്‌ വീടുകളുമുണ്ട്‌.
കടന്നല്‍ഭീതിയില്‍ കുട്ടികള്‍ വീടിനു പുറത്ത്‌ കളിക്കുന്നത്‌ നിര്‍ത്തിയിരിക്കുകയാണ്‌. പഞ്ചായത്തധികൃതരോട്‌ പരാതിപ്പെട്ടതെങ്കിലും ഫണ്ടില്ലെന്നു പറഞ്ഞ്‌ കൈമലര്‍ത്തുകയാണെന്ന്‌ പ്രദേശവാസികള്‍ പറഞ്ഞു. തൃത്തല്ലൂരില്‍ ചന്ദ്രന്‍സ്‌ റോഡരികിലെ പൂള മരത്തിലാണ്‌ കടന്നലുകള്‍ കൂടുകൂട്ടിയിരിക്കുന്നത്‌. രാത്രിയില്‍ വീടുകളില്‍ ലൈറ്റിട്ടാല്‍ പറന്നെത്തുന്ന കടന്നലുകള്‍ പ്രദേശവാസികള്‍ക്കാകെ ഭീഷണിയാണ്‌. കഴിഞ്ഞദിവസം രാത്രി വീടിന്റെ വരാന്തയിലിരുന്ന രണ്ടുകുട്ടികള്‍ക്ക്‌ കടന്നല്‍കുത്തേറ്റിരുന്നു.
from kerala news edited
via IFTTT
