Story Dated: Wednesday, February 25, 2015 03:03
മെഡിക്കല്‍ കോളജ്‌: മെഡിക്കല്‍ കോളജ്‌ ആശുപത്രിയുടെ കീഴിലുളള എല്ലാ വിഭാഗം ഐ.സി.യുവിലും അഡ്‌മിറ്റ്‌ ചെയ്യുന്ന രോഗികളില്‍നിന്ന്‌ ഫീസ്‌ ഈടാക്കാനുള്ള തീരുമാനത്തിനെതിരെ സി.പി.ഐ പ്രവര്‍ത്തകര്‍ ആശുപത്രി കാര്യാലയത്തിലെ ലേ സെക്രട്ടറിയെ ഉപരോധിച്ചു. കിടക്കുന്ന രോഗികള്‍ക്ക്‌ 300 രൂപയും വെന്റിലേറ്ററില്‍ കഴിയുന്ന രോഗികള്‍ക്ക്‌ 600 രൂപയുമാണ്‌ ഫീസായി ഈടാക്കാന്‍ തുടങ്ങിയത്‌.
ഇതേതുടര്‍ന്ന്‌ മെഡിക്കല്‍ കോളജ്‌ പോലീസ്‌ സ്‌ഥലത്തെത്തി ആശുപത്രി സൂപ്രണ്ടുമായും ജില്ലാ കലക്‌ടറുമായും ചര്‍ച്ച നടത്തി. ഇതുസംബന്ധിച്ച്‌ ഇക്കാര്യത്തില്‍ വേണ്ട നടപടിയെടുക്കാമെന്ന്‌ സൊസൈറ്റി ചെയര്‍മാന്‍ കൂടിയായ ജില്ലാ കലക്‌ടര്‍ പ്രവര്‍ത്തകര്‍ക്ക്‌ ഉറപ്പു നല്‍കി. ഇതേതുടര്‍ന്ന്‌ ഫീസ്‌ ഈടാക്കികൊണ്ടുളള ഉത്തരവ്‌ പിന്‍വലിച്ചു. സി.പി.ഐ നേതാക്കളായ പി.കെ.രാജു, ചെറുവയ്‌ക്കല്‍ ഷാജി, ഭദ്രന്‍, എ.വി. വിനോദ്‌, എസ്‌.ആര്‍.സുഭാഷ്‌, ജി.സുഭാഷ്‌ എന്നിവര്‍ ഉപരോധത്തിന്‌ നേതൃത്വംനല്‍കി.
from kerala news edited
via IFTTT
