Story Dated: Thursday, March 12, 2015 02:21
കാസര്‍കോട്‌: പോലീസ്‌ ഉദ്യോഗസ്‌ഥനാണെന്ന്‌ പറഞ്ഞ്‌ വിദ്യാര്‍ത്ഥിയില്‍നിന്നും സ്വിഫ്‌റ്റ് കാര്‍ തട്ടിയെടുത്ത സംഭവത്തില്‍ പ്രതിയായ ചെര്‍ക്കള വി.കെ പാറയിലെ സി.എം. മുഹമ്മദ്‌ ഫൈസല്‍ (30) അറസ്‌റ്റിലായി. വിദ്യാനഗര്‍ എസ്‌.ഐ. ഇ.വി. രാജശേഖരനാണ്‌ പ്രതിയെ അറസ്‌റ്റുചെയ്‌തത്‌.
ഫെബ്രുവരി 19ന്‌ രാവിലെയാണ്‌ ചെര്‍ക്കള ബേര്‍ക്ക റോഡില്‍വെച്ച്‌ പോലീസ്‌ ചമഞ്ഞെത്തിയ ഫൈസല്‍ ചെര്‍ക്കള റോഷന്‍ വില്ലയിലെ സിദ്ദീഖിന്റെ കെ.എല്‍ 14 കെ. 1445 നമ്പര്‍ സ്വിഫ്‌റ്റ് കാര്‍ കവര്‍ന്നത്‌. പോലീസ്‌ തന്നെ തിരിച്ചറിഞ്ഞുവെന്ന്‌ ബോധ്യമായ ഫൈസല്‍ ഫെബ്രുവരി 26ന്‌ കാര്‍ ചെര്‍ക്കളയിലെ സര്‍വീസ്‌ സെന്ററിന്‌ സമീപം ഉപേക്ഷിച്ച്‌ കടന്നുകളയുകയായിരുന്നു. മൊബൈല്‍ ടവര്‍ പരിശോധിച്ചാണ്‌ ബന്ധുവീട്ടില്‍വെച്ച്‌ ഫൈസലിനെ പോലീസ്‌ കുടുക്കിയത്‌.
from kerala news edited
via IFTTT
