Story Dated: Wednesday, March 11, 2015 06:53
തിരുവനന്തപുരം: സംരംഭ മികവ്‌ തെളിയിക്കാന്‍ ടെക്‌ടോപ്പ്‌ -ജൂണ്‍ 25 മുതല്‍ മാര്‍ബസേലിയോസ്‌ എന്‍ജിനിയറിംഗ്‌ കോളജില്‍ അരങ്ങേറും. നവ സാങ്കേതിക വിദ്യയുടെ വളര്‍ച്ച സാമൂഹ്യ പുരോഗതിയ്‌ക്കുവേണ്ടി ഉപയുക്‌തമാക്കുകയാണ്‌ ടെക്‌ടോപ്പിലൂടെ ലക്ഷ്യമിടുന്നത്‌. തൊഴില്‍ തേടാനല്ല തൊഴില്‍ ദാതാക്കളാകാന്‍ യുവ ജനതയെ പ്രാപ്‌തരാക്കാനാണ്‌ ടെക്‌ടോപ്പ്‌ സംഘടിപ്പിച്ചിരിക്കുന്നതെന്ന്‌ ടെക്‌ടോപ്പ്‌ ചാരിറ്റബിള്‍ ഫൗണ്ടേഷന്‍ മാനേജിംഗ്‌ ട്രസ്‌റ്റിയും ഡിഗ്രി കണ്‍ട്രോള്‍സിന്റെ സ്‌ഥാപകനുമായ രാജേഷ്‌. എം. നായര്‍ പറഞ്ഞു.
ടെക്‌ടോപ്പ്‌-2015 മത്സരങ്ങളിലെ മികച്ച പ്ര?ജക്‌ടിനു ഒരു ലക്ഷം രൂപ സമ്മാനം നല്‍കും. രണ്ടാം സ്‌ഥാനത്തിന്‌ 50,000 രൂപ, മൂന്നും സ്‌ഥാനത്തിന്‌ 30,000 രൂപ ലഭിക്കും, കൂടാതെ മികച്ച സാങ്കേതിക പ്രവര്‍ത്തനം, മികച്ച വ്യവസായ പദ്ധതി, മികച്ച വനിത സംരംഭം എന്നിവയ്‌ക്ക് ഇരുപതിനായിരം രൂപ വീതവും പ്രത്യേക അഭിനന്ദന സമ്മാനം നല്‍കുമെന്നും ടെക്‌ടോപ്പ്‌ കോര്‍ഡിനേറ്റര്‍ മൂസ. സി. കാന്‍ഡി പറഞ്ഞു.
ടെക്‌ടോപ്പ്‌ പത്താം വാര്‍ഷികം ആഘോഷിക്കുന്നിന്റെ ഭാഗമായി എട്ടാം ക്ലാസുമുതല്‍ പന്ത്രണ്ടാം ക്ലാസുവരെയുള്ള കുട്ടികള്‍ക്ക്‌ നാഷണല്‍ ജൂനിയര്‍ ഇന്നോവേഷന്‍ കോണ്‍ടെസ്‌റ്റ് എന്ന പേരില്‍ ഇന്നോവേഷന്‍ ചാലഞ്ചും സംഘടിപ്പിക്കും. ടെക്‌ടോപ്പ്‌ നടക്കുന്ന ജൂണ്‍ 25 - 26 തീയതികളില്‍ അവരുടെ നൂതന ശാസ്‌ത്രസാങ്കേതിക പ്ര?ജക്‌ടുകള്‍ പ്രദര്‍ശിപ്പിക്കാന്‍ വിദ്യാര്‍ത്ഥികള്‍ക്ക്‌ അവസരമൊരുക്കും
ഇതിലെ മികച്ച പ്ര?ജക്‌ടിനു ഇരുപത്തിയയ്യായിരം രൂപയും രണ്ടും മൂന്നും സ്‌ഥാനം നേടുന്നവര്‍ക്ക്‌ 15,000 രൂപ, 10,000 രൂപ എന്നിങ്ങനെ സമ്മാനമായി ലഭിക്കും. മത്സരങ്ങള്‍ക്കുവേണ്ടിയുള്ള പൂരിപ്പിച്ച ആപ്ലിക്കേഷന്‍ ലഭിക്കേണ്ട അവസാന തീയതി മാര്‍ച്ച്‌ 17, 2015 ആണ്‌. ആപ്ലിക്കേഷന്‍ ഫോറം വെബ്‌സൈറ്റില്‍ നിന്നും ഡൗണ്‍ലോഡ്‌ ചെയ്യാവുന്നതാണ്‌.
from kerala news edited
via IFTTT
