ലിവര്‍പൂള്‍ മലയാളി അസ്സോസിയേഷന്റെ നേതൃത്വത്തില്‍ ഫാമിലി ക്ലബ് ഉദ്ഘാടനം ചെയ്തു
Posted on: 11 Mar 2015
ലിവര്‍പൂള്‍: ലിവര്‍പൂളിലെ പ്രഥമ മലയാളി സംഘടനയായ ലിമ ആദ്യമായി ലിവര്‍പൂള്‍ മലയാളികള്‍ക്കായി ഫാമിലി ക്ലബ് ഉദ്്ഘാടനം ചെയ്തു. ലിവര്‍പൂള്‍ ഷീല്‍ റോഡിലുള്ള ആള്‍ സെയിന്റ്‌സ് ഹാളില്‍ വച്ചായിരുന്നു ഉദ്ഘാടന യോഗം നടത്തപ്പെട്ടത്.
ലിമയുടെ വൈസ് പ്രസിഡന്റ് ലിദീഷ് രാജ് തോമസിന്റ് അധ്യക്ഷതയില്‍ കൂടിയ യോഗത്തില്‍ ഇപ്പോള്‍ യുകെ സന്ദര്‍ശിക്കുന്ന ലിമയുടെ സ്ഥാപക പ്രസിഡന്റ് സാബു ജോസഫ് ഭദ്ര ദീപം കൊളുത്തി ഫാമിലി ക്ലബിന്റ ഔപചാരികമായ ഉദ്ഘാടനം നിര്‍വഹിച്ചു.
പ്രസ്തുത ചടങ്ങില്‍ ലിമയുടെ സെക്രട്ടറി ജോയ് അഗസ്തി, ആര്‍ട്‌സ് ക്ലബ് സെക്രട്ടറി ജിനോയ് മദാന്‍, സ്‌പോര്‍ട്‌സ് ക്ലബ് സെക്രട്ടറി ഹരികുമാര്‍ ഗോപാലന്‍, പി.ആര്‍.ഒ. ജോസ് മാത്യു തുടങ്ങിയവരും സംബന്ധിച്ചു. ലിമയുടെ കമ്മിറ്റിയംഗങ്ങളും, ലിമയുടെ അംഗങ്ങളും ലിമയെ സ്‌നേഹിക്കുന്ന അനവധി ആളുകളും സാക്ഷ്യം വഹിച്ച ചടങ്ങ് വന്‍വിജയമായിരുന്നു.
വാര്‍ത്ത അയച്ചത് : സാബു ചുണ്ടക്കാട്ടില്‍
from kerala news edited
via IFTTT
