പി.എസ്. ശശികുമാറിന് കളിക്കളത്തില്‍ യാത്രയയപ്പ്
Posted on: 01 Dec 2014
ദോഹ: ജോലിയില്‍ നിന്ന് വിരമിക്കുന്ന ഇന്ത്യന്‍ എംബസി ഡെപ്യൂട്ടി ചീഫ് ഓഫ് മിഷന്‍ പി.എസ്. ശശികുമാറിന് ഖത്തര്‍ ഇന്ത്യന്‍ ഫുട്ബാള്‍ ഫോറം യാത്രയയപ്പ് നല്‍കി. സെമിഫൈനല്‍ മത്സരം നടന്ന ഖത്തര്‍ സ്‌പോര്‍ട്‌സ് ക്ലബ്ബ് സ്‌റ്റേഡിയത്തില്‍ തിങ്ങിനിറഞ്ഞ ഗ്യാലറികളെ സാക്ഷിനിര്‍ത്തി ശശികുമാറിന് ഫുട്ബാള്‍ പ്രേമികള്‍ യാത്രയപ്പ് നല്‍കി. ഖത്തറിലെ മലയാളി ഫുട്ബാള്‍ പ്രേമികള്‍ക്ക് വേണ്ടി ശംസുദ്ദീന്റെ നേതൃത്വത്തില്‍ നത്തുന്ന ഫുട്ബാള്‍ പ്രോത്സാഹന സംരംഭങ്ങളെ അദ്ദേഹം മുക്തകണ്ഠം പ്രശംസിച്ചു. ശശികുമാറിന്റെ സേവനം മലയാളി ഫുട്‌ബോള്‍ പ്രേമികള്‍ക്ക് അവിസ്മരണീയമാണെന്നും ഔദ്യോഗിക ജോലി വിരമിച്ചാലും അദ്ദേഹത്തിനു ഇത്തരം പൊതുസംരംഭങ്ങളെ പിന്തുണക്കാന്‍ സാധിക്കട്ടെയെന്ന് ഖ്വിഫ് പ്രസിഡന്റ് ശംസുദ്ദീന്‍ ഒളകര പ്രത്യാശ പ്രകടിപ്പിച്ചു. കാണികളുടെ ആരവങ്ങള്‍ക്കിടയില്‍ ഖിഫിന്റെ സ്‌നേഹോപഹാരം ശശികുമാറിന് നല്‍കി.
അഹമ്മദ് പാതിരിപ്പറ്റ
from kerala news edited
via IFTTT
