Story Dated: Monday, December 1, 2014 07:39
ന്യൂഡല്‍ഹി: ബസിനുള്ളില്‍ ആക്രമിക്കാന്‍ ശ്രമിച്ച യുവാക്കളെ കൈകാര്യം ചെയ്‌ത യുവതികളെ റിപ്പബ്ലിക്‌ ദിനത്തില്‍ ആദരിക്കും. ഹരിയാന സര്‍ക്കാരാണ്‌ ഇക്കര്യം അറിയിച്ചത്‌. വെള്ളിയാഴ്‌ചയാണ്‌ ഹരിയാന റോഡ്‌വെയ്‌സിന്റെ ബസിനുള്ളില്‍ വച്ച്‌ അപമാനിക്കാന്‍ ശ്രമിച്ച മൂന്ന്‌ യുവാക്കളെ സഹോദരിമാരായ യുവതികള്‍ കൈകാര്യം ചെയ്‌തത്‌.
22കാരിയായ ആര്‍തി, 19കാരി പൂജ എന്നിവരാണ്‌ ബസിനുള്ളില്‍ വച്ച്‌ അപമാനിക്കാന്‍ ശ്രമിച്ച യുവാക്കളെ കൈകാര്യം ചെയ്‌തത്‌. ഹരിയാനയിലെ ആസാന്‍ ഗ്രാമത്തിലെ ജാട്ട്‌ യുവാക്കളായ മോഹിത്‌, കുല്‍ദീപ്‌, ദീപക്‌ എന്നീ യുവാക്കളെയാണ്‌ യുവതികള്‍ നേരിട്ടത്‌. ഇരുവര്‍ക്കും ഹരിയാന സര്‍ക്കാര്‍ 31,000 രൂപ വീതം പാരിതോഷികം പ്രഖ്യാപിച്ചതിന്‌ പിന്നാലെയാണ്‌ ഇവരെ റിപ്പബ്ലിക്‌ ദിനത്തില്‍ ആദരിക്കാന്‍ സര്‍ക്കാര്‍ തീരുമാനിച്ചത്‌.
സര്‍ക്കാര്‍ പ്രഖ്യാപിച്ച പാരിതോഷികം റിപ്പബ്ലിക്‌ ദിനാഘോഷ ചടങ്ങില്‍ സമ്മാനിക്കും. സംഭവത്തിന്റെ പശ്‌ചാത്തലത്തില്‍ പൊതുയാത്രാ സംവിധാനങ്ങളില്‍ യാത്ര ചെയ്യുന്ന സ്‌ത്രീകളുടെ സുരക്ഷ ഉറപ്പാക്കുന്നതിന്‌ നടപടികള്‍ സ്വീകരിക്കണമെന്ന്‌ ഹരിയാന സര്‍ക്കാര്‍ ഡിജിപിയോട്‌ ആവശ്യപ്പെട്ടു.
from kerala news edited
via IFTTT
