ഓട്ടോറിക്ഷയും തട്ടുകടയും കത്തിനശിച്ചു

Story Dated: Friday, February 20, 2015 02:18

ഈരാറ്റുപേട്ട: ഇന്നലെ പുലര്‍ച്ചെയുണ്ടായ തീപിടുത്തത്തില്‍ ഓട്ടോറിക്ഷയും തട്ടുകടയും കത്തിനശിച്ചു. റോഡരുകില്‍ പ്രവര്‍ത്തിച്ചിരുന്ന ഈലക്കയം പേഴുങ്കാട്ടില്‍ സുരേഷിന്റെ തട്ടുകടയും താത്‌ കാലിക ഷെഡ്‌ഡും ഉപകരണങ്ങളും ആപേ ഓട്ടോ റിക്ഷയുമാണ്‌ കത്തിനശിച്ചത്‌. പുലര്‍ച്ചെ രണ്ടുമണിവരെ തട്ടുകട പ്രവര്‍ത്തിച്ചിരുന്നു. ഇതിനുശേഷം സമീപത്തെ സ്വന്തം വീട്ടിലേക്ക്‌ പോയശേഷമാണ്‌ തീപിടിച്ചത്‌. തട്ടുകടയോട്‌ ചേര്‍ന്ന വീട്ടിലേക്ക്‌ തീ പടരാതിരുന്നതിനാല്‍ കൂടുതല്‍ നാശനഷ്‌ടമുണ്ടായില്ല. നാളുകകളായി ഇവിടെ സുരേഷും കുടുംബവും തട്ടുകട നടത്തിവരുകയായിരുന്നു. മീനച്ചിലാറിനോട്‌ ചേര്‍ന്ന്‌ പൊതുമരാമത്ത്‌ റോഡരുകിലാണ്‌ കട പ്രവര്‍ത്തിച്ചിരുന്നത്‌. തീപിടുത്തമുണ്ടായത്‌ ആദ്യം കണ്ടത്‌ പുഴയുടെ മറുകരയില്‍ താമസിക്കുന്നവരാണ്‌. ഈരാറ്റുപേട്ട ഫയര്‍ഫോഴ്‌സ്‌ എത്തിയാണ്‌ തീ അണച്ചത്‌.

from kerala news edited

via IFTTT