Story Dated: Friday, February 20, 2015 06:08
ആലപ്പുഴ : കോടതിയലക്ഷ്യക്കേസില്‍ ശിക്ഷിക്കപ്പെട്ട്‌ ഇന്ന്‌ ജയില്‍ മോചിതനായ സി.പി.എം നേതാവ്‌ എം.വി ജയരാജന് സമ്മേളന നഗരിയിലെത്തി. വൈകിട്ട്‌ അഞ്ചരയോടെ ആലപ്പുഴയിലെ സമ്മേളന നഗരിയിലെത്തിയ എം.വി ജയരാജന് ഇ.പി ജയരാജന്, പി. ജയരാജന് എന്നിവരുടെ നേതൃത്വത്തില്‍ വന്‍ സ്വീകരണം നല്‍കി. മുദ്രാവാക്യം വിളികളോടെയാണ്‌ അണികള്‍ അദ്ദേഹത്തെ സമ്മേളന നഗരിയിലേയ്‌ക്ക് ആനയിച്ചത്‌.
പൂജപ്പുര സെന്‍ട്രല്‍ ജയിലില്‍ 19 ദിവസത്തെ തടവുജീവിതത്തിനു ശേഷമാണ്‌ ജയരാജന് പുറത്തിറങ്ങുന്നത്‌. രാവിലെ ജയില്‍ കവാടത്തിനു പുറത്തും ജയരാജന് ആവേശം നിറഞ്ഞ സ്വീകരണമാണ്‌ പ്രവര്‍ത്തകര്‍ ഒരുക്കിയിരുന്നത്‌. പ്രവര്‍ത്തകര്‍ക്കൊപ്പം പ്രകടനമായാണ്‌ ജയരാജന് പുറത്തേക്കു വന്നത്‌. തുടര്‍ന്ന്‌ പുജപ്പൂരയില്‍ സംഘടിപ്പിച്ച സ്വീകരണയോഗത്തില്‍ അണികളെ അഭിസംബോധന ചെയ്‌ത് സംസാരിച്ചിരുന്നു.
തിരുവനന്തപുരത്തു നിന്നും ട്രെയിന്‍ മാര്‍ഗ്ഗം നാലരയോടെ കോട്ടയം ചങ്ങനാശ്ശേരിയിലെത്തിയ ജയരാജന് ഇവിടെ നിന്നും കാറിലാണ്‌ സമ്മേളന വേദിയിലേയ്‌ക്ക് യാത്ര തിരിച്ചത്‌. പാതയോരത്തെ പൊതുയോഗം നിരോധിച്ച ഹൈക്കോടതി വിധിക്കെതിരെ നടത്തിയ പ്രതിഷേധയോഗത്തില്‍ ജഡ്‌ജിമാരെ 'ശുംഭന്മാര്‍' എന്നു വിളിച്ചതിനാണ്‌ ജയരാജനെതിരെ ഹൈക്കോടതി സ്വമേധയാ കോടതിയലക്ഷ്യ കേസെടുത്ത്‌ ശിക്ഷിച്ചത്‌.
from kerala news edited
via IFTTT
