Story Dated: Thursday, February 19, 2015 02:17
തിരുവനന്തപുരം: വിവാഹനിശ്‌്ചയം കഴിഞ്ഞ്‌ മറ്റൊരാളോടൊപ്പം ഒളിച്ചോടിപ്പോയ യുവതിയെ വെട്ടി പരുക്കേല്‍പ്പിച്ചയാള്‍ അറസ്‌റ്റില്‍. തമിഴ്‌നാട്‌ കുലശേഖരം തോമസ്‌ നഗറില്‍ വിജയകുമാറാണ്‌ അറസ്‌റ്റിലായത്‌. വെള്ളായണി യു.പി.എസിന്‌ സമീപമുള്ള യുവതിയും വിജയകുമാറും തമ്മിലുള്ള വിവാഹം 27 ന്‌ നടത്താന്‍ നിശ്‌ചയിച്ചിരുന്നു. 3 മാസം മുമ്പ്‌ യുവതി മറ്റൊരാളോടൊപ്പം ഒളിച്ചോടിപ്പോയി വിവാഹിതരായി. ഗള്‍ഫിലായിരുന്ന വിജയകുമാര്‍ വിവാഹത്തിനു വേണ്ടി നാട്ടില്‍ എത്തിയപ്പോഴാണ്‌ വിവരം അറിഞ്ഞത്‌. അതിലുള്ള വിരോധം വച്ചാണ്‌ യുവതിയെയും അമ്മയെയും വെട്ടി പരുക്കേല്‍പ്പിച്ചതെന്ന്‌ പോലീസ്‌ പറഞ്ഞു. പ്രതിയെ നേമം സര്‍ക്കിള്‍ ഇന്‍സ്‌പെക്‌ടര്‍ എസ്‌.അജയ്‌ കുമാര്‍, എസ്‌.ഐ പ്രേംകുമാര്‍, എസ്‌.സി.പി.ഒ ജസ്‌റ്റിന്‍, സി.പി.ഒ ബിനു എന്നിവര്‍ ചേര്‍ന്നാണ്‌ അറസ്‌റ്റ് ചെയ്‌തത്‌. കോടതിയില്‍ ഹാജരാക്കി റിമാന്റ്‌ ചെയ്‌തു.
from kerala news edited
via IFTTT
