Story Dated: Saturday, March 7, 2015 01:52
മലപ്പുറം: ഫിലിപ്പന്‍സ്‌ തലസ്‌ഥാനമായ മനിലയില്‍ നടക്കുന്നു പതിമൂന്നാമത്‌ ഇന്റര്‍നാഷണല്‍ കള്‍ച്ചറല്‍ ആന്റ്‌ ലാന്‍ഗ്വേജ്‌ ഫൈസ്‌റ്റിവലില്‍ ഇന്ത്യന്‍ പ്രതിനിധി സംഘത്തോടൊപ്പം പാണക്കാട്‌ സാദിഖലി ശിഹാബ്‌ തങ്ങളും പങ്കെടുത്തു. ഫിലിപ്പൈന്‍ ഗവണ്‍മെന്റെും ഡല്‍ഹിയിലെ ഇന്തോ-ടര്‍കിഷ്‌ ഫൗണ്ടേഷനും സംയുക്‌തമായാണ്‌ ഫെസ്‌റ്റിവല്‍ സംഘടപ്പിക്കുന്നത്‌.
വിവിധ രാജ്യങ്ങളിലെ ഭാഷയുടെ വിനിയോഗവും സാംസ്‌കാരിക വൈവിധ്യങ്ങളും സമാധാനത്തിനും മാനവികതക്കും പ്രയോജനപ്പെടുത്താന്‍ ഫെസ്‌റ്റിവല്‍ ആഹ്വാനം ചെയ്‌തു. സംസ്‌കാരത്തിന്‌ വര്‍ണ്ണം നല്‍കുന്നത്‌ ഭാഷയാണെന്നും യുദ്ധത്തിനല്ല സ്‌നേഹത്തിനാണ്‌ അത്‌ ഉപയോഗപ്പെടുത്തേണ്ടതെന്നും ഫെസ്‌റ്റിവലില്‍ പങ്കെടുത്ത തങ്ങള്‍ അഭിപ്രായപ്പെട്ടു.
ഫിലിപ്പൈന്‍ പാര്‍ലമെന്റ്‌ സ്‌പീക്കര്‍ ശാനീ ബെല്‍മോന്‍ഡേ, ഇന്ത്യന്‍ അംബാസിഡര്‍ അല്‍തൈ, ഫിലിപ്പൈന്‍ ആര്‍മി കമാന്‍ഡര്‍ എന്നിവര്‍ സംഘത്തെ സ്വീകരിച്ചു. സത്യബാല്‍ സിംഗ്‌ എം.പി, ശഅ്‌ബാന്‍ കുക്ക്‌ തുര്‍ക്കി, രാജീവ്‌ ടൂലി എന്നിവരായിരുന്നു ഇന്ത്യന്‍ സംഗത്തിലെ പ്രമുഖര്‍.
from kerala news edited
via IFTTT
