ഇന്ത്യ-യുഎഇ വ്യാപാരങ്ങള്‍ നിരീക്ഷണത്തില്‍
ന്യൂഡല്‍ഹി: ഇന്ത്യ-യുഎഇ വ്യാപര ഇടപാടുകള്‍ ഇന്റലിജന്റ്‌സ് ഏജന്‍സി സൂക്ഷ്മമായി നിരീക്ഷിക്കുന്നു. കള്ളപ്പണം വെളുപ്പിക്കുന്നതിന്റെ ഭാഗമായി വിലയില്‍ കൃത്രിമം കാണിച്ച് നടത്തുന്ന ഇടപാടുകളാണ് പ്രധാനമായും ഏജന്‍സിയുടെ നിരീക്ഷണത്തിലുള്ളത്.ചില പ്രത്യക വസ്തുക്കളുടെ ഇടപാടുകള്‍ യഥാര്‍ത്ഥത്തിലുള്ളതോ വ്യാജമോ ആണോയെന്നും അന്വേഷിക്കുന്നുണ്ട്. ഇതുമായി ബന്ധപ്പെട്ട് കസ്റ്റംസ് അതികൃതര്‍ക്ക് നിര്‍ദേശം നല്‍കിക്കഴിഞ്ഞു.
നിലവില്‍ ഇന്ത്യയുടെ പ്രധാന വ്യാപാര പങ്കാളിയാണ് യുഎഇ. വ്യാപാര പങ്കാളത്തത്തിന്റെ കാര്യത്തില്‍ 2001-01ല്‍ ഒമ്പതാം സ്ഥാനത്തായിരുന്നു ഇന്ത്യയുടെ സ്ഥാനം. 2012-13 വര്‍ഷമായപ്പോഴേക്കും ഒന്നാംസ്ഥാനത്തായി. 2014-15 വര്‍ഷത്തില്‍ ഇത് മൂന്നാസ്ഥാനത്തേയ്ക്കുമാറുകയും ചെയ്തു. ചൈനയും അമേരിക്കയും കഴിഞ്ഞാല്‍ യുഎഇയുമായുള്ള വ്യപാര പങ്കാളിത്തത്തില്‍ ഇന്ത്യയ്ക്കാണ് സ്ഥാനം.
സ്വതന്ത്ര വ്യാപാര മേഖല എന്നനിലയില്‍ ദുബായ് അന്താരാഷ്ട്ര ഹബ് ആയതോടെയാണ് യുഎഇയുമായുള്ള ഇടപാടുകളിലെ പങ്കാളിത്തം വര്‍ധിച്ചത്. യഥാര്‍ത്ഥ ഇടപാടുകള്‍ക്കിടയിലൂടെ മയക്കുമരുന്ന്-കള്ളപ്പണ ഇടപാടുകള്‍ വര്‍ധിച്ചതായി വ്യക്തമായ സൂചന രഹസ്യാന്വേഷണ ഏജന്‍സിക്ക് ലഭിച്ചിരുന്നു.
from kerala news edited
via IFTTT
