പൊങ്കാല കഴിഞ്ഞു മടങ്ങിയ വീട്ടമ്മയുടെ മാല കവര്‍ന്നു; തമിഴ്‌ നാടോടി സ്‌ത്രീകള്‍ പിടിയില്‍

Story Dated: Friday, March 6, 2015 03:03

വെമ്പായം: ആറ്റുകാല്‍ പൊങ്കാല കഴിഞ്ഞു മടങ്ങുകയായിരുന്ന വീട്ടമ്മയുടെ മാല കവര്‍ന്നു.കൊപ്പം പട്ടത്താനം ശശീന്ദ്രവിലാസത്തില്‍ ലീലയുടെ രണ്ടു പവന്‍െറ മാലയാണ്‌ ഇന്നലെ വൈകിട്ടോടെ കൊപ്പത്ത്‌ ബസിറങ്ങുമ്പോള്‍ പൊട്ടിച്ചെടുത്തത്‌.

പൊങ്കാല കഴിഞ്ഞു വരികയാണെന്ന വ്യജേന ബസില്‍ ഉണ്ടായിരുന്ന തമിഴ്‌നാട്ടുകാരായ മൂന്നു നാടോടി സ്‌ത്രീകളാണു മാലപൊട്ടിച്ചത്‌. ഇവര്‍ മാലപൊട്ടിക്കുന്നത്‌ ബസിലുണ്ടായിരുന്ന യാത്രക്കാരി കണ്ടിരുന്നു. തുടര്‍ന്ന്‌ മൂന്നു സ്‌ത്രീകളേയും വെഞ്ഞാറമൂട്‌ പോലീസ്‌ സ്‌റ്റേഷനിലെത്തിച്ചു. ഇവരില്‍ ഒരു യുവതി ഗര്‍ഭിണിയുമായിരുന്നു. പൊട്ടിച്ചെടുത്ത മാല ഇവരില്‍ നിന്നും കണ്ടെടുത്തു.

from kerala news edited

via IFTTT