Story Dated: Friday, April 3, 2015 03:26
താനൂര്‍: കുടിനീരിനായി വലയുന്ന പ്രദേശത്തിന്‌ ആശ്വാസമായി യുവാക്കളുടെ ജല വിതരണം. ഒഴൂര്‍ തലക്കട്ടൂരിലാണ്‌ ഡ്രീം ലാന്റ്‌ കള്‍ച്ചറല്‍ ക്ലബ്ബ്‌ പ്രവര്‍ത്തകരുടെ മാതൃകാ പ്രവര്‍ത്തനം. ജലക്ഷാമം അതിരൂക്ഷമായ പ്രദേശമാണ്‌ തലക്കട്ടൂര്‍. രണ്ടു ലക്ഷം രൂപ ചെലവിലാണ്‌ യുവജനകൂട്ടായ്‌മ ജലവിതരണ പദ്ധതി നടപ്പാക്കുന്നത്‌. പ്രദേശത്തെ ജനങ്ങള്‍ക്ക്‌ ഏറെ ആശ്വാസമാകും ഈ പദ്ധതി. ജലവിതരണ പദ്ധതി കെ.ടി ജലീല്‍ എം.എല്‍.എ ഉദ്‌ഘാടനം ചെയ്‌തു. പി.കെ ഷിഹാബ്‌ അധ്യക്ഷത വഹിച്ചു. താനൂര്‍ എസ്‌. ശശിധരന്‍ കോഡൂര്‍, അഷ്‌ക്കര്‍ കോറാട്‌, ബാലകൃഷ്‌ണന്‍ ചുള്ളിയത്ത്‌, അലവി മു്‌ക്കാട്ടില്‍, കെ.കെ റസാഖ്‌, എം.പി ചാത്തപ്പന്‍, നിയാസ്‌, ഷറഫുദ്ദീന്‍ പ്രസംഗിച്ചു.
from kerala news edited
via IFTTT
