Story Dated: Friday, April 3, 2015 03:30
ആനക്കര: അനധികൃതമായി മണല്‍ കടത്തുന്നതിനായി പാസുകളില്‍ തിരിമറി നടത്തിവരുന്നത്‌ റവന്യുവകുപ്പ്‌ പിടികൂടി. തൃത്താല മേഖലയില്‍ നിന്നാണ്‌ പട്ടാമ്പി ഡപ്യൂട്ടി തഹസില്‍ദാര്‍മാരുടെ നേതൃത്വത്തില്‍ കസ്‌റ്റഡിയിലെടുത്തത്‌. തൃത്താലവില്ലേജിലെ കരിമ്പന കടവില്‍ നിന്നും 10 മണിക്ക്‌ ചിറ്റൂരിലെ അനുവദിച്ച പാസിലെ മണല്‍ സമീപപ്രദേശത്ത്‌ തട്ടിയശേഷം പിന്നീട്‌ സമീപത്തെ മറ്റൊരു കടവായ കാവില്‍പടിയിലെ കടവില്‍ നിന്ന്‌ മണലെടുത്തുപോകവെയാണ്‌ റവന്യൂവകുപ്പ്‌ പിടികൂടുന്നത്‌. സമീപഭാഗത്തുള്ള തീരദേശ റോഡിന്‌ സമീപം മണല്‍ കയറ്റാനുപയോഗിച്ച നിരവധി ചങ്ങാടങ്ങളും പിടിച്ചെടുത്ത്‌ നശിപ്പിച്ചു. പരിശോധനസംഘത്തി ഡപ്യൂട്ടി തഹസില്‍ദാര്‍മാരായ ശിവരാമന്‍, ടി.പി.കിഷോര്‍, പി.സി.മോഹനന്‍, പി.വി.മോഹനന്‍ സെബാസ്‌റ്റ്യന്‍ പങ്കെടുത്തു.
from kerala news edited
via IFTTT
