Story Dated: Friday, April 3, 2015 03:22
കാസര്‍ഗോഡ്‌: വീട്ടില്‍ അതിക്രമിച്ചു കയറി വേലക്കാരിയെ ബലാല്‍സംഗം ചെയ്യുകയും ചെയ്‌ത കേസില്‍ ജാമ്യത്തിലിറങ്ങി മുങ്ങിയ ശേഷം അയ്യപ്പ ഭക്‌തരെ കൊള്ളയടിച്ച വിരുതന്‍ അറസ്‌റ്റില്‍. ബേജകം പോലീസ്‌ സ്‌റ്റേഷന്‍ പരിധിയിലെ കുണ്ടാം കുഴി ചേടിക്കുണ്ടിലെ റഫീക്ക്‌ (32) ആണ്‌ പിടിയിലായത്‌. 2003 ആഗസ്‌ത് 14 ന്‌ രാത്രി 10.30 തിന്‌ കുണ്ടാം കുഴിയിലെ വി. കെ. മാധവന്‍ നായരുടെ ത്രിവേണി ഹൗസില്‍ അതിക്രമിച്ചു കയറി വേലക്കാരിയെ കത്തികാണിച്ച്‌ ഭീഷണിപ്പെടുത്തി ബലാല്‍സംഗം ചെയ്‌തശേഷം കെട്ടിയിട്ട്‌ അലമാര കുത്തിത്തുറന്ന്‌ പതിനാറേമുക്കാല്‍ പവന്‍ സ്വര്‍ണ്ണാഭരണങ്ങളും 30,000 രൂപയും കവര്‍ന്നകേസില്‍ പ്രതിയാണ്‌ റഫീഖ്‌. മൂന്നു മാസത്തിന്‌ ശേഷം ഇയാളെ പോലീസ്‌ അറസ്‌റ്റ് ചെയ്‌തിരുന്നു. റിമാന്റില്‍ കഴിയവെ ജാമ്യത്തിലിറങ്ങി മുങ്ങുകയായിരുന്നു.
ഈ കേസില്‍ പിടികിട്ടാപ്പുള്ളിയായി പ്രഖ്യാപിച്ചിരുന്നു. കഴിഞ്ഞ ജനുവരിയില്‍ രഹസ്യമായി ബേക്കലില്‍ എത്തിയ റഫീഖ്‌ ബേക്കലിന്‌ സമീപമുള്ള ഒരാളുടെ ടൂര്‍സ്‌ ആന്റ്‌ ട്രാവല്‍സില്‍ ഡ്രൈവറായി. ഏതാനും ദിവസത്തിന്‌ ശേഷം അയ്യപ്പ ഭക്‌തരുമായി ശബരിമലയിലേക്ക്‌ ട്രിപ്പ്‌ പോയി റഫീഖ്‌. അവിടെവച്ച്‌ അയ്യപ്പ ഭക്‌തരുടെ 20,000 രൂപയും ബസുടമയുടെ 37,000 രുപയും മൊബൈല്‍ ഫോണും കവര്‍ന്ന ശേഷം ബസ്‌ പൂട്ടി താക്കോല്‍ വലിച്ചെറിഞ്ഞ്‌ ചെന്നൈയിലേക്ക്‌ കടന്നു. ചെന്നൈയില്‍ വച്ചാണ്‌ പോലീസ്‌ പിടികൂടിയത്‌.
from kerala news edited
via IFTTT
