Story Dated: Thursday, January 29, 2015 01:40
പുനലൂര്‍: പട്ടണത്തില്‍ നിരന്തരം അപകടമുണ്ടാകുന്ന പോസ്‌റ്റ് ഓഫീസ്‌ ജംഗ്‌ഷനിലെ ഓടകള്‍ സ്ലാബിട്ട്‌ മൂടാനാണ്‌ നിര്‍ദേശം. കേരളത്തില്‍ നിരന്തരമുണ്ടാകുന്ന വാഹനാപകടങ്ങളുടെ കാരണം കണ്ടെത്താന്‍ സര്‍ക്കാര്‍ നിയോഗിച്ച ജസ്‌റ്റിസ്‌ ചന്ദ്രശേഖരദാസ്‌ കമ്മിഷനാണ്‌ ബന്ധപ്പെട്ട അധികൃതര്‍ക്ക്‌ ഈ നിര്‍ദേശം നല്‍കിയത്‌. രണ്ടാഴ്‌ച മുമ്പ്‌ ഇവിടെ സ്വകാര്യ ബസ്‌ സ്‌കൂട്ടറില്‍ ഇടിച്ച്‌ ഭര്‍ത്താവിനും കൈകുഞ്ഞിനുമൊപ്പം യാത്ര ചെയ്‌തിരുന്ന യുവതി മരിച്ച സാഹചര്യത്തില്‍ അപകടസ്‌ഥലം പരിശോധിച്ചിരുന്നണ കമ്മിഷന്‍ മൂടിയില്ലാത്ത ഓടകര്‍ മുലം വാഹനാപകടമുണ്ടാക്കുന്നതായി കണ്ടെത്തിയിരുന്നു.
ഈ ഭാഗത്തുള്ള ടെമ്പോ സ്‌റ്റാന്‍ഡ്‌ മാറ്റുന്നതിനും ശുപാര്‍ശയുണ്ട്‌. ദേശീയപാതയോരത്തായതിനാല്‍ സ്‌ഥലത്ത്‌ പ്രവര്‍ത്തിക്കുന്ന ബിവറേജസ്‌ കോര്‍പറേഷന്റെ ഔട്ട്‌ലെറ്റ്‌ നീക്കാനുള്ള നിര്‍ദേശിച്ചിരുന്നു. ഔട്ട്‌ലെറ്റിന്റെ മുന്നില്‍ മദ്യം വാങ്ങാനെത്തുന്നവരുടെ തിരക്കാണ്‌ ഇവിടെ നിരന്തരം അപകടമുണ്ടാക്കുന്നതിന്‌ മുഖ്യകാരണം. പുനലൂര്‍ നഗസഭയും ട്രാഫിക്ക്‌ കമ്മിറ്റിയുടെയും ജനമൈത്രി പോലീസിന്റെയും സംയുക്‌ത യോഗത്തില്‍ മോട്ടോര്‍ വാഹന വകുപ്പുമായി ചേര്‍ന്ന്‌ 31-നകം പാര്‍ക്കിംഗ്‌ സ്‌ഥലങ്ങള്‍ നിശ്‌ചയിക്കുമെന്ന്‌ പോലീസ്‌ അറിയിച്ചു.
from kerala news edited
via IFTTT
