Story Dated: Wednesday, January 28, 2015 02:34
കണിയാമ്പറ്റ: കണിയാമ്പറ്റ പഞ്ചായത്തിലെ 18 വാര്‍ഡുകളിലും സേവാഗ്രാം ഗ്രാമകേന്ദ്രങ്ങള്‍ റിപ്പബ്ലിക്‌ ദിനത്തില്‍ ഉദ്‌ഘാടനം ചെയ്‌തു. പഞ്ചായത്തിലെ 18 വാര്‍ഡുകളില്‍ പൊതുജനങ്ങള്‍ക്ക്‌ എത്തിച്ചേരുന്നതിന്‌ സൗകര്യപ്രദമായ പൊതുസ്‌ഥാപനങ്ങളിലും കെട്ടിടങ്ങളിലുമാണ്‌ വാര്‍ഡ്‌ കേന്ദ്രങ്ങള്‍ സജ്‌ജീകരിച്ചിരിക്കുന്നത്‌.
നാലാം വാര്‍ഡിലെ എടക്കൊമ്പം അങ്കണവാടിയോടനുബന്ധിച്ച്‌ സജ്‌ജീകരിച്ച ഗ്രാമകേന്ദ്രത്തിന്റെ ഉദ്‌ഘാടനം ജില്ലാ പഞ്ചായത്ത്‌ പ്രസിഡന്റ്‌ എന്‍.കെ. റഷീദ്‌ നിര്‍വഹിച്ചു. പഞ്ചായത്ത്‌ പ്രസിഡന്റ്‌ റോസിലി തോമസ്‌ അധ്യക്ഷത വഹിച്ചു. പഞ്ചായത്ത്‌ സെക്രട്ടറി പി. ഇബ്രാഹിം റിപ്പോര്‍ട്ടവതരിപ്പിച്ചു. സേവാഗ്രാം ജില്ലാ കോഓര്‍ഡിനേറ്ററും ജില്ലാ പഞ്ചായത്ത്‌ വൈ. പ്രസിഡന്റുമായ ടി. ഉഷാകുമാരി, സേവാഗ്രാം പനമരം ബ്ലോക്ക്‌ കോഓര്‍ഡിനേറ്റര്‍ ഓമന, പനമരം ബ്ലോക്ക്‌ പഞ്ചായത്ത്‌ വൈ. പ്രസിഡന്റ്‌ അബ്‌ദുല്‍ ഗഫൂര്‍ കാട്ടി, പഞ്ചായത്ത്‌ വികസനകാര്യ സ്‌റ്റാന്‍ഡിംഗ്‌ കമ്മിറ്റി ചെയര്‍പേഴ്‌സണ്‍ കെ. കുഞ്ഞായിഷ, പഞ്ചായത്ത്‌ ക്ഷേമകാര്യ സ്‌റ്റാന്‍ഡിംഗ്‌ കമ്മിറ്റി ചെയര്‍പേഴ്‌സണ്‍ ഗിരിജ രാജന്‍, തുടങ്ങിയവര്‍ പ്രസംഗിച്ചു.
from kerala news edited
via IFTTT
