സര്‍ക്കാര്‍ 300 കോടികൂടി കടമെടുക്കുന്നു
തിരുവനന്തപുരം: സാമ്പത്തിക പ്രതിസന്ധിയിലായ സര്‍ക്കാര്‍ കടപ്പത്രംവഴി 300 കോടിരൂപ കൂടി കടമെടുക്കുന്നു. ഇതോടെ ഈ വര്‍ഷത്തെ കടം 9700 കോടിയായി. ഈവര്‍ഷം ആകെ 13,950 കോടിയാണ് പൊതുവിപണിയില്‍നിന്ന് എടുക്കാന്‍ അനുവദിച്ചിട്ടുള്ളത്.
നികുതിവരുമാനം കുറഞ്ഞതിനാല്‍ ദൈനംദിന ചെലവുകള്‍ക്ക് ഈ തുക ഉപയോഗിക്കേണ്ടിവരും. വെറും നാല് ശതമാനം മാത്രമാണ് കഴിഞ്ഞമാസം നികുതി വരുമാനത്തിലെ വര്‍ദ്ധന.
നികുതിവരുമാനം കുറഞ്ഞതിനാല്‍ ദൈനംദിന ചെലവുകള്‍ക്ക് ഈ തുക ഉപയോഗിക്കേണ്ടിവരും. വെറും നാല് ശതമാനം മാത്രമാണ് കഴിഞ്ഞമാസം നികുതി വരുമാനത്തിലെ വര്‍ദ്ധന.
ഇത്തവണ ക്രിസ്മസിന് മുന്‍കൂര്‍ ശമ്പളം ഉണ്ടാകില്ല. കഴിഞ്ഞ വര്‍ഷം ആവശ്യപ്പെടുന്നവര്‍ക്ക് ശമ്പളത്തിന്റെ 25 ശതമാനം മുന്‍കൂര്‍ നല്‍കാന്‍ തീരുമാനിച്ചിരുന്നു. എന്നാല്‍ ഇതിന് ആവശ്യക്കാര്‍ അധികമുണ്ടായിരുന്നില്ലെന്നാണ് ധനവകുപ്പ് പറയുന്നത്. മുന്‍കൂര്‍ ശമ്പളം അനുവദിക്കാത്തതിന് സാമ്പത്തിക പ്രതിസന്ധിയും ഒരു കാരണമാണ്.
നവംബര്‍ 25ന് 1000 കോടിരൂപ കടമെടുത്തിരുന്നു. ഇപ്പോള്‍ പുറപ്പെടുവിച്ച കടപ്പത്രങ്ങളുടെ ലേലം ഡിസംബര്‍ 23 ന് റിസര്‍വ് ബാങ്കിന്റെ മുംബൈ ആസ്ഥാനത്ത് നടക്കും.
from kerala news edited
via IFTTT
