Story Dated: Monday, December 22, 2014 09:51
കപ്പാട്‌(കാഞ്ഞിരപ്പള്ളി):സൊസൈറ്റിയില്‍ പാല്‍ കൊടുത്ത്‌ മടങ്ങി വരുന്നതിനിടയില്‍ ക്ഷീരകര്‍ഷകന്‍ വാനിടിച്ച്‌ മരിച്ചു.കപ്പാട്‌ മൂഴിക്കാട്‌ പുളിന്തറയില്‍ പദ്‌മനാഭന്‍(65) ആണ്‌ മരിച്ചത്‌.ഞായറാഴ്‌ച പുലര്‍ച്ചെ 5.30 ന്‌ കാഞ്ഞിരപ്പള്ളി-ഈരാറ്റുപേട്ട റോഡില്‍ കപ്പാട്‌ ഗവ.സ്‌കൂളിന്‌ സമീപത്തായിരുന്നു അപകടം. ക്ഷീരസംഘത്തില്‍ പാല്‍ അളന്ന ശേഷം കാല്‍നടയായി വരുന്നതിനിടയില്‍ മൂന്നാം മൈലില്‍ നിന്നും വന്ന വാന്‍ പദ്‌മനാഭന്റെ പിന്നില്‍ ഇടിക്കുകയായിരുന്നു.വാനിനടിയില്‍ കുടുങ്ങിയ ഇയാളെ നാട്ടുകാരും വാന്‍ യാത്രികരും ചേര്‍ന്ന്‌ പുറത്തെടുത്ത്‌ കാഞ്ഞിരപ്പള്ളി ജനറല്‍ ആസ്‌പത്രിയില്‍ എത്തിച്ചു. പിന്നിട്‌ കോട്ടയം മെഡിക്കല്‍ കോളേജ്‌ ആസ്‌പത്രിയിലേക്ക്‌ കൊണ്ടുപോകുന്നതിനിടയില്‍ വഴി മദ്ധ്യേ മരിച്ചു.മൃതദേഹം 26ാം മൈല്‍ സ്വകാര്യാസ്‌പത്രിയില്‍. ഭാര്യ: സരസമ്മ ഉള്ളനാട്‌ അമ്പാട്ട്‌ പറമ്പില്‍ കുടുംബാംഗം. മക്കള്‍: മിനി, സിനി, മഞ്ചു. മരുമക്കള്‍: ഷാജി ഇലവുങ്കല്‍ കപ്പാട്‌, ഷിബി ഹൈദരാബാദ്‌, വിനോദ്‌ ഏറണാകുളം. ശവസംസ്‌കാരം ചൊവ്വാഴ്‌ച വീട്ടുവളപ്പില്‍.
from kerala news edited
via IFTTT
