Story Dated: Sunday, December 21, 2014 02:49
തിരുവനന്തപുരം : കന്യാകുമാരി-മുംബൈ ജയന്തി ജനതാ എക്‌സ്പ്രസ്‌ സിഗ്നല്‍ കണക്കാക്കാതെ മുന്നോട്ടുപോയി. തിരുവനന്തപുരത്ത്‌ നിന്നും 9.50 ന്‌ പുറപ്പെട്ട ട്രെയിന്‍ കൊച്ചുവേളി സ്‌റ്റേഷനിലെ ചുവന്ന സിഗ്നലാണ്‌ ഭേദിച്ച്‌ കടന്നത്‌. കൊല്ലം ഭാഗത്തു നിന്നും വരികയായിരുന്ന മറ്റൊരു ട്രെയിനിനായി ജയന്തി ജനതയ്‌ക്ക് ചുവന്ന സിഗ്നല്‍ നല്‍കിയിരുന്നു.എന്നാല്‍ ഇത്‌ ഭേദിച്ചായിരുന്നു ട്രെയിന്‍ മുന്നോട്ട്‌ കുതിച്ചത്‌. തലനാരിഴയ്‌ക്കാണ്‌ വന്‍ ദുരന്തം ഒഴിവായത്‌.
കന്യാകുമാരി നിന്നും മുംബൈ വരെ പോകുന്ന 16382 ജയന്തി ജനതാ എക്‌സ്പ്രസാണ്‌ സിഗ്നല്‍ കണക്കാക്കാതെ ട്രാക്കിലൂടെ ഓടിയത്‌. ലോക്കോ പൈലറ്റിന്റെ അനാസ്‌ഥയാണോ സാങ്കേതിക തകരാറാണോ സംഭവത്തിനു പിന്നിലെന്ന്‌ അന്വേഷിക്കും. ഒരു മണിക്കൂറിനു ശേഷം പ്രശ്‌നങ്ങള്‍ പരിഹരിച്ചെന്ന ഉറപ്പില്‍ ട്രെയിന്‍ വീണ്ടും യാത്ര തുടര്‍ന്നു.
from kerala news edited
via IFTTT
